1.200 të helmuar, Bakiu: Përgjegjës, Kryetari i Bashkisë Krujë!
Pasi mazhoranca refuzoi propozimin e Partisë Demokratike që të diskutohet në Parlamentin e Shqipërisë situata e krijuar në Krujë me helmimin masiv masiv nga uji, deputetja e PD, Merita Bakiu dhe Nënrkeyatri i PD, Enkelejd Alibeaj u detyruan të prononcohen para Parlamentit për këtë krim masiv ku sot deputetja e zonës flet për 1.200 qytetarë të helmuar.
“Çfarë ka ndodhur? Kush e ka shkaktuar? Ne dimë vetëm pasojat sot. Së paku mijëra qytetarë, vogëlushë, të moshuar, janë shtruar në ambientet spitalore, pa përmendur këtu pjesën tjetër që është në shtëpi. Duhet një përgjigje. Kush e ka shkaktuar? Pse e kanë shkaktuar? E patë dje përgjigjen e kryeministrit, e patë si hoqi dorë. Ai e ka detyrë njerëzore, politike, ligjore për këtë gjë.
Njerëzit atje janë duke vuajtur, askush nuk i ndodhet afër. Në të gjithë këtë verbëri është detyra e dikujt që duhet ta ngrejë si problem. Këtë e bëmë ne, për kërkesën që hodhëm në parlament, së paku për ta diskutuar, sepse detyra e parlamentit është të vendosë të gjithë institucionet në atë që quhet presioni qytetar. Kjo çështje duhet politizuar, sepse pikërisht parlamenti ekziston për këtë çështje.
Fatkeqësia ka ndodhur sot. Njerëzit sot po vuajnë. Ndihma, asistenca, duhet bërë sot, jo me kalimin e kohës. Përfaqësueset tona, kanë shkuar të para në vendngjarje. Kjo është detyra, e drejta dhe detyrimi i opozitës. Ky është detyrimi ynë. Nuk pret më sëmundja për procedurë. Duhet sot. Duhet tani. Të shpresojmë se të gjithë ata shurdhë memecë e të pa përgjegjshëm që janë aty të marrin të gjitha instrumentet që u jep ligji dhe ti ndodhen njerëzve afër e të gjejnë përgjegjësit sepse ky është një krim masiv,” tha Enkelejd Alibeaj deputetja e Krujës, Merita Bakiu shtoi:
“Mosfurnizimi me ujë i ka çuar familjet në Krujë në një krizë tjetër përveç sëmundjes. Jemi të shqetësuar sepse shteti nuk ka reaguar fare. Është e tmerrshme që në këtë helmim kaq masiv qeveria të mos reagojë. Kanë reaguar pas tre ditësh vetëm kur filluan mediat, presionet politike dhe problematikat e njerëzve. Atëherë Ministrja e Shëndetësisë tha se e kemi situatën nën kontroll. Në të njëjtën kohë kur në qytetin e Krujës njerëzit po marrin ndihmën e parë dhe spitali nuk ka infrastrukturën e duhur. Jemi të shqetësuar për situatën. Është një situatë që nuk ka ndodhur ndonjëherë bnë qytetin e Krujës. Dikush duhet të mbajë përgjegjësi. Kryetari i Bashkisë Artur Bushi duhet të japë dorëheqjen.”
Ndërkohë që Prokuroria dje ka filluar hetimet për situatën e krijuar ndërsa pushteti flet për depozitën kryesore që është dezinfektuar, është mbushur e derdhur dy herë dhe pritet leja nga ISHP për të nisur furnizimin me ujë të qytetit, pasi duhet të dalin analizat, vetëm ng amesdita e djeshme deri sot në mëngjes, 130 qytetarë i janë drejtuar spitalit me shenja helmimi.
Vlenë të theksohet se në mungesë të dorës së shtetit ishin disa firma të prodhimit e paketimit të ujit si dhe disa biznese lokale që janë sensibilizuar dje dhe kanë dërguar në Krujë rreth 100 tonë ujë të paketuar. Bizneset lokale e kanë shpërndarë ujin nëpër kopshtet e çerdhet e qytetit ndërsa firmat e kanë dorëzuar ujin në bashki, e cila mbrëmjen e kaluar ka filluar shpërndarjen te familjet në nevojë, invalidë, etj.
