1.600 të zhdukur/ Qerkini: 20 vjet pa drejtësi n’Kosovë, vendorët dhe ndërkombëtarët s’punojnë

Edhe 20 vite pas luftës nuk ka drejtësi për dëmet e luftës në Kosovë, nuk po punohet nga institucionet vendore e të huaja për të zbardhur krimet dhe sot janë mbi 1600 persona të zhdukur.

Kryetari i shoqatës për të pagjeturit “Zëri i Prindërve” në Mitrovicë , Bajram Qerkini tha se nuk po bëhet sa duhet për të ecur për para për të zbardhur krimet që janë bërë dhe për të zhdukurit.

“Nuk ka sa duhet drejtësi në Kosovë, familjarët presin çdo ditë”, tha Qerkini sot në “Studio e Hapur”, në RTK duke shtuar se vrasja e popullsisë shqiptare është bërë vetëm për një qëllim, që ata kanë qenë shqiptar.

“Nuk ka pasur kursime për vrasjet e shqiptarëve, ka vrasje të fëmijëve, e pleqve, ka dëme ndaj çdo gjëje që kanë qenë shqiptare,” tha ai.

Ai tha se krimet po fshihen .

”Ende janë mbi 1600 persona të zhdukur, mijëra njerëz janë depërtuar, pra ka pasur eksod masiv,” tha Kryetari i shoqatës për të pagjeturit “Zëri i Prindërve” në Mitrovicë, Bajram Qerkini.