1 Janar 2020, një nga ndalesat e çuditshme që vjen nga Paqësori
Arkilpelagu Palau, pjesë e Mikronezisë në Paqësorin Perëndimor, ka prezantuar masa të rrepta mjedisore, duke përfshirë një ndalim për kremrat e diellit që janë provuar të jenë të dëmshëm për shkëmbinjtë koralë, raportojnë agjensitë, duke shtuar se ndalimi i kremrave të dëmshëm hyri në fuqi në ditën e parë të vitit 2020.
Arkipelagu me 500 ishuj, në mes Australisë dhe Japonisë, është një prej vendeve të shenjta më të mëdha detare në botë dhe destinacioni kryesor për zhytjes në botë, por qeveria është e shqetësuar që popullariteti ka çmimin e saj.
1.000 dollarë gjobë
BBC kujton se ishujt Rock Laguna është në listën e trashëgimisë natyrore të mbrojtur nga UNESCO. Palau ka rreth 20.000 banorë.
“Ne duhet ta respektojmë mjedisin tonë sepse është jeta jonë dhe pa të, askush në Palau nuk mund të mbijetojë,” tha Presidenti Tommy Remengesau.
Remengesau kujtoi se është vërtetuar shkencërisht se kimikatet që përmbajnë kremrat e diellit, si oksibenzoni dhe oktinooksati, janë toksike për koralet, madje edhe në dozat më të vogla.
Nga 1 janari i vitit 2020, çdo produkt i tillë i importuar ose shitur në Palau do të konfiskohet dhe shkelësi do të gjobitet me 1.000 dollarë.
“Kur shkenca na thotë se një praktikë është e dëmshme për shkëmbinjtë koralë, peshqit ose vetë oqeanin, atëherë ne dhe vizitorët tanë duhet të kemi parasysh këtë,” vuri në dukje Presidenti.
Ndalimi i peshkimit dhe aktivitete të tjera
Presidenti Tommy Remengesau është i bindur, se pasi të përhapet lajmi për ndalimin e kimikateve të dëmshme, vendi i tij nuk do të mbetet i vetmi që do të vendos masa për të mbrojtur mjedisin e tij. Ai vuri në dukje se substancat toksike u gjetën në habitatet dhe indet më të rrezikuara të kafshëve detare.
Përveç ndalimit të kremrave diellorë toksikë, në arkipelag përkatësisht bregdet, ka hyrë në fuqi një ndalim për peshkimin dhe aktivitete të tjera, përfshirë peshkimin për peshkaqenë për finja, që mbylli dhe 80 përqind të zonës Ekskluzive të Zonës Ekonomike, EEC.
“Ky është një synim shumë ambicioz dhe shumë i vlefshëm kur bëhet fjalë për të ardhmen e Palau,” tha Remengesau, duke shtuar se peshkimi tregtar tani është i ndaluar në zonën e oqeanit prej rreth 500.000 kilometra katror.
Kjo, tha ai, ishte e domosdoshme për “oqeanin për t’u shëruar”, duke paralajmëruar se numri i disa specieve kishte rënë në nivele kritike për shkak të peshkimit në rritje. Ai përmendi tonen e blu si një specie e rrezikuar.
Në vitin 2009, Palau ishte i pari në botë që krijoi një vend të shenjtë për peshkaqenë për të parandaluar praktikën mizore të prerjes së finjëve, ku pasi ju prehen, peshkaqenë hidhen përsëri në det për të vdekur.
