10 kosovarë humbin jetën, mediat në Zagreb më të shqetësuara se ato në Tiranë!
Nuk është hera e parë që mediat në Tiranë shpërfillin tragjeditë në Kosovë, dhe që i lëvizë një dorë tregon fakti se dhe klerikët fetar heshtin ndërsa dinë të bëjnë spektakël deri në Paris! Por pasqyrimi i fatkeqësisë së djeshme ku humbën jetën 10 kosovarë, në shtypin e Tiranës sot tejkalon dhe aspektin human përveç se atij profesional!
Kjo ndodhë dhe me dy gazetat e kryesore në Tiranë, “Panorama” dhe “Gazeta Shqiptare”, ku një kosovarë të arrestuar në Portin e Durrësit që kërkohet nga Interpoli dinë ta bëjnë lajm të parë por jo dhe vdekjen e 10 kosovarëve dhe 15 të plagosurëve në gjendje të rëndë, që pësuan në aksidentin e djeshëm në Kroaci me autobusin e linjës Frankfurt – Prishtinë.
Sikur këto dy gazeta të menaxhohen nga një serb do të kishte kuptim kur dhe Serbia drejtohet nga një njeri si Aleksandar Vuçiç, por meqë pronari i tyre është shqiptar ashtu si dhe shefi i pronarit, me detyrë Kryeministër, atëherë shpërfillja e një TRAGJEDIE KOMBËTARE në këtë mënyrë, është TURP KOMBËTAR!
Por deri sa mediat e Tiranës janë të paskrupullta, ato në Zagreb pa dallim e pasqyruan këtë tragjedi për të cilën i gjithë shteti u çua në këmbë:
Po pasqyrojmë dy gazetat kryesore meqë tirazhi i tyre për një fundjavë është sa tirazhi vjetor i dy gazetave kryesore në Shqipëri që vazhdojnë të quhen edhe sot, GAZETA!
Në fund, për të mos i mbetë borxh gazetës Standard në Tiranë, është gazeta e vetme që i dha hapsirë kësaj tragjedie kombëtare, përmasat e së cilës ende nuk dihen:
