10 Përgjimet e plota/ “Bild”: Shqipëria një vend që po zhytet në moçalin e mafias!

Një shef policie, që harton një plan për manipulimin zgjedhor me një ministër. Një ministër që i telefonon një mafiozi të njohur ndërkombëtarisht për të diskutuar për blerjen e votave. Një bos i mafies, që mbledh kartat e përgjimit, “Bild” sjell të tjera përgjime të fshehta telefonike nga hetuesit e antimafias shqiptare.

Përgjimet tregojnë në mënyrë ekzemplare bashkëpunimin për manipulimin e zgjedhjeve në vitin 2017 mes politikanëve më të lartë socialistë në pushtet, bosëve të mafies, policisë dhe nëpunësve të lartë civilë në Shqipëri.

Ato tregojnë se përse biznesi me zgjedhjet është i leverdishëm për të gjithë:
-Socialistët mbeten në pushtet.
-Drejtuesit e policisë promovohen.
-Bosët e mafies marrin premtimin për mosndëshkim.

Bëhet fjalë për:
-Blerje votash.
-Bashkëpunim me bandat kriminale.
-Kërcënim dhe shantazhim i votuesve dhe nëpunësve civilë që duan të votojnë për opozitën.
-Përdorimi i policisë dhe bandave për blerjen e votave dhe për shantazh.

Të përfshirë në këtë rast janë:
-Ministri i Energjisë, Damian Gjiknuri.
-Ish-shefi i policisë së rajonit të Dibrës, Robert Aga.
-Kreu i Komisionit të Sigurisë në parlament, Xhemal Qefalia.
-Imer Lala, një famëkeq i njohur në mbarë vendin- mik i kryeministrit. Sipas hetuesve në Tiranë, ai është një kriminel serioz i dënuar, vajza e të cilit bën karrierë me socialistët.

Për më shumë se 25 vite, zgjedhjet në Shqipëri janë ‘blerë’ vazhdimisht. Por kurrë nuk ka pasur padi reale. Edhe pas zgjedhjeve të vitit 2017 nuk ndodhi asgjë- edhe pse përmasat ishin më të mëdha se kurrë më parë, siç raportojnë hetuesit me eksperiencë. Në vitin 2017, mafia e drogës luajti një rol vendimtar në mbarë vendin- ajo kishte qenë në gjendje një vit më parë të kultivonte kanabis në mbarë vendin e pashqetësuar, duke manipuluar rregullisht shtetin.

“Në vitin 2016 dhe 207, Shqipëria u bë laboratori i drogës i Europës. Nëse më parë vendosnin kryesisht oligarkët dhe shefat e klaneve vendore se kush do të zgjidhej, në këtë kohë e mori kontrollin në mbarë vendin mafia e drogës”, – thotë një hetues i Europës Perëndimore, që ka punuar i maskuar në Shqipëri në atë kohë.

Fillimisht Rama e solli vërtet vendin në një kurs reformash, por ai e shndërroi Shqipërinë nga viti 2015 në një republikë drogë – në Kolumbinë e Europës. Rezultati: BE fillimisht shtyu për në tetor bisedimet e anëtarësimit të planifikuara për në verë. Presidenti shtyu zgjedhjet vendore, të planifikuara për në fund të qershorit- në një kohë të pacaktuar. Qeveria arrestoi udhëheqësit e opozitës në mbarë vendin- sipas shembullit të Rusisë së Putinit dhe Turqisë së Erdoganit.

Pas zbulimeve më të fundit të BILD, kundërshtarët e zemëruar të qeverisë sulmuan zyrat zgjedhore dhe dogjën materialet e votimit në disa rajone- pati edhe të plagosur. Frika e tyre: Këto zgjedhje mund të bliheshin, gjithashtu.

Hetuesit e antimafies kanë dëgjuar nga afër këshillat e ardhur nga jashtë që prej vitit 2016. Ata iniciuan- mes të tjerash- edhe dosjen 184- për të provuar në të vërtetë lidhjet mes bosëve të drogës dhe politikës. Ata kapën shumë biseda ku tregohej bashkëpunimi mes mafies, nëpunësve civilë dhe politikanëve më të lartë.

Për më shumë se dy vite, këto regjistrime janë të papërpunuara në zyrën e prokurorit të shtetit. Asnjë nga politikanët apo mafiozët që flasin qartë në përgjime për blerjen e votave dhe për bashkëpunim të paligjshëm, nuk është akuzuar- madje as nuk janë dëgjuar si dëshmitarë. Pjesa më e madhe e përgjimeve nuk mund të fshihet.

Ka gjëra emocionuese për të dëgjuar mes tyre. Si për shembull:

-Se si ministri i Energjisë, pas një bisede, siç thotë ai, me shefin e qeverisë Rama, e sqaron shefin e Policisë së Dibrës se do të marrë një post më të mirë- si shpërblim për manipulimin e zgjedhjeve në rajonin e tij të origjinës.
-Si implikohet kreu i Komisionit të Sigurisë Kombëtare të Kuvendit.
-Se si një kriminel e drejton ‘de facto’ të gjithë fushatën zgjedhore në një rajon të tërë.
-Si kriminelët mbledhin dokumentet personale të identifikimit nga opozita, që të mos i lejojnë të votojnë.
-Se si krimineli krenohet se ka qenë te ‘robi i madh’, d.m.th. te kreu i qeverisë Edi Rama.

Pas publikimeve të fundit të BILD, që tregoi në mënyrë ekzemplare, si zyrtarët e lartë shtetërore vendosen nën presion sistematik për të votuar partinë qeverisëse, kryeministri Edi Rama e akuzoi BILD se gënjen, i bëri thirrje zyrës së prokurorit të hetojë burime e publikimit të përgjimeve dhe lajmëroi një padi.

Por regjistrimet, të publikuara tani nga BILD, lejojnë vetëm një interpretim: Në zgjedhjet e vitit 2017 ka pasur një komplot masiv nga politikanët e lartë dhe kriminelët për të manipuluar zgjedhjet.

Problemi në Shqipëri: Nuk ka pothuajse asnjë forcë politike që konsiderohet ‘e pastër’. Qeveria e akuzon opozitën se ka pranuar fonde nga Rusia. Gjykata Kushtetuese dhe Gjykata e Lartë nuk funksionojnë prej një viti për shkak të kuorumit, pasi rrallë ndonjë gjyqtar ka deklaruar përfundimisht të ardhurat, sipas një kërkese të shumicës në Kuvend. Por pikërisht këto gjykata duhet të gjykojnë manipulimet zgjedhore, nëse ndonjëherë vijnë në ndjekje penale.

Gjykata Kushtetuese duhej të vendoste për rastin më të fundit: Partia në pushtet dëshiron të rrëzojë presidentin e vendit, Ilir Meta. Arsyeja: Sepse ai rrëzoi një plan për mbajtjen e zgjedhjeve lokale në fund të qershorit, pasi e sheh në rrezik lirinë e zgjedhjeve, për shkak të akuzave masive kundër partisë në pushtet, protestave masive dhe për faktin se opozita në shenjë proteste për manipulimet zgjedhore të fundit nuk ka paraqitur kandidatë.

10 Përgjimet

1.Vjedhja e votës, Shefi i Policisë plan me Gjiknurin

Ashtu sikurse kishte paralajmëruar, gazeta gjermane “Bild”, ka publikuar 10 përgjime të reja, në lidhje me blerjen e votave në zgjedhjet e vitit 2017.

Në video përgjimin numër 1. që u publikuau sot Shefi i Komisariatit të Peshkopisë Robert Aga flet me ministrin Damian Gjiknurin.

Një shef i policisë shpik një plan për manipulimin zgjedhor me një ministër Shiritat tregojnë një shembull të bashkëpunimit për manipulimin e zgjedhjeve në vitin 2017 midis politikanëve më të lartë të socialistëve në pushtet, bosëve të mafias, policisë dhe shërbyesve të lartë civilë në Shqipëri.

2.Ministri dhe bossi i mafias, Ymer Lala i thotë Gjiknurit: A je duke ardhur apo…

Një tjetër përgjim midis Damian Gjiknurit, ministër i Transporteve dhe i deleguari i PS-së në Dibër në vitin 2015 dhe Ymer Lalës, babai i deputetes Reme Lala.

Gazeta gjermane “Bild” e konsideron si bisedë midis Ministrit të Energjisë dhe bosit të mafies.

3.Vjedhja e votave, Shefi i policisë, Saimir Tahiri, Ulsi Manja dhe Qefalia

Në përgjimet e Gazetës gjermane “Bild” ku dëshmohet vjedhja e votës në Dibër nga banda kriminale shtetërore, përfshihet Shefi i  Komisariatit të Peshkopisë Robert Aga, ministër i Brendshëm, Saimir Tahiri  dhe Kryeari I Komisionit të Sigurisë, deputetin Xhemal Qefalia.

Në fillim të bisedës është deputeti Qefalia, i cili flet, por më pas ia kalon telefonatën Saimir Tahirit. Ministri falënderon Robert Agën punën e bërë në zgjedhjet e Dibrës. Në biseda me ta shfaqet  edhe Kreu i Komisioneve të Ligjeve, Ulsi Manja bajraktari i Edi Ramës për Reformën në Drejtësi.

4.Gjiknuri i kënaqur me punën e Ymer Lalës: “I ke q* nënën…”

Përgjimi i radhës i gazetës gjermane “Bild” dëshmon se Ministri Damian Gjiknuri është I kënaqur me vjedhjen e votës që kanë realizuar me Ymer Lalën ndërsa ky i fundit i tregon se i kishte shkruar ai robi (nënkupto Edi Rama).

5. Bossi i mafias flet për takimin me Edi Ramën: “Isha te babloku i madh!”

Gazeta gjermane “Bild” ka publikuar edhe një përgjim ku ai që “Bild” e konsideron bossi i mafias, Ymer Lala,  zhvillon tre biseda ku flet për një takim në një zyrë të madhe.

Biseda e parë e Lalës zhvillohet me bashkëshorten e tij, e dyta me vajzë, ndërsa e treta me një të panjohur, një zë mashkulli. Ai në fund tregon se është takuar me të madhin, që sipas gazetës “Bild” është kryeministri, Edi Rama.

6. “Kryetari i FRD votoi Sherefedinin”, Ymer Lala nxehet: O ja q** robt…

Përveç vjedhjes dhe blerjes së votës, përgjimi i radhës i gazetës gjermane “Bild” tregon se mazhoranca e Edi Ramës kishte nën kontroll edhe votat në kutinë e votimit.

Këtë e dëshmon biseda e Ymer Lalës me një person të panjohur, i cili i tregon se Kryetari i FRD-së në Dibër bashkë me njerëzit e tij kanë votuar kandidatin e PD-së, Sherefedin Shehun.

Ymer Lala acarohet dhe thotë se do ta marrë në telefon për ti thënë disa fjalë:

7.Qefalia-shefit të policisë: Vjen Flamur Noka, merr masa

Në përgjimin e radhës, Shefi i Komisariatit të Peshkopisë, Robert Aga, informohet nga Kryetari i Komisionit të Sigurisë, deputeti i PS, Xhemal Qefalia, se do vijë deputeti i PD, Flamur Noka për të kontrolluar.

8.“Me lekë në duar”, Lala informohet se u zbulua blerja e votave

Përgjimi i radhës tregon se sa kriminale është blerja e votave nga socialistët, që edhe kur e kuptojnë se janë zbuluar mënyra se si reagojnë është e frikshme.

Gazeta “Bild”, tregon se si Ymer Lala njoftohet se ekipi i “Fiks Fare” ka marrë me vete një njeri me “BENZ”, i cili thuhet se është i infiltruar. Aty është filmuar se si po bliheshin votat në Dibër.

9.“A i ke çu kafe”, Imer Lala-qytetarit: Mos u merakos

Ymer Lala, vetë zoti dhe shkopi i këtyre zgjedhjeve, në përgjimin e radhës bisedon me Arditin, ndërsa ky i fundit i drejtohet atij nëse Basri Veseli ka marrë gjë apo jo. Lala i thotë se në zonën ku  ndodhet ai gjithçka është në rregull.

10.Qytetari-Lalës: Kam mbaru punë, t’ja jap kartat Shefkiut?

Pjesë e përgjimeve të “Bild” është dhe një bisedë mes Imer Lalës të cilësuar si “bos i mafias” dhe një numri të panjohur. Ky i fundit i kërkon leje Lalës që t’i kthejë kartat e identitetit një votuesi, që është paguar nga Lala për t’i dhënë votën socialistëve.

“Mbledhja e kartave të identitetit ishte një nga mënyrat se si vidhej vota në zgjedhjet lokale të 2016 në Dibër”, thekson gazeta gjermane “Bild”: