100 mijë £ për person,”The Times”: Angli, negociata për hapjen e një qendre azili në Shqipëri!

Autoritetet shqiptare e kanë mohuar, por mediat britanike sërish raportojn për idenë e hapjes së një kampi në Shqipëri, ku pritet të strehohen refugjatët e paligjshëm që kalojnë nga Franca për në Mbretërinë e Bashkuar. Dhe, shqetësuese është se lajmin e ka publikuar prestigjiozja “The Times” ku saktësohet madje se ministritë përkatëse të dy vendeve po diskutojnë hapjen e një qendre azili në Shqipëri.

“Kushdo që kërkon azil në Britani pasi arrin në rrugë të paligjshme, si me gomone dhe varka të vogla, do të dërgohet në qendrën e re brenda shtatë ditëve,” raporton The Times duke shtuar se projekti do t’i kushtonte taksapaguesit britanik 100.000 paund për çdo emigrant për akomodim dhe duke ju referuar një burimi të qeverisë britanike thekson:

“Përpunimi i të dhënave jashtë breg është shpresa jonë më e mirë tani, pasi asgjë tjetër nuk po funksionon,” tha një ministër britanik për gazetën. Gjasat për të nënshkruar një marrëveshje me Tiranën tani ‘duken të mira’.”

Lidhur me planin për hapjen e një qendre azili në Shqipëri, një zëdhënës i Home Office shtoi:

“Emigrantët që bëjnë këto kalime të rrezikshme po vënë jetën e tyre në rrezik dhe është jetike që ne të bëjmë gjithçka që mundemi për t’i parandaluar ata dhe për të thyer modelin e biznesit të bandave kriminale që shfrytëzojnë njerëzit,” theksojnë The Times duke shtuar:

“Njerëzit duhet të kërkojnë azil në vendin e parë të sigurt në të cilin mbërrijnë, dhe si pjesë e përgjigjes sonë është e rëndësishme që ne të kemi një parandalues detar në kanal dhe të punojmë me partnerët ndërkombëtarë për t’i dhënë fund këtyre udhëtimeve të rrezikshme.”

Për dallim nga muaji i kaluar kur mediat britanike raportuan për këtë Plan dhe zëdhënësi i Kryeministrit Endri Fuga përgënjeshtroi shkrimin e “The Sun”, kriza e fundit me emigrantë pasoi deklaratën e Sekretares së Brendshme, Priti Patel, e cila u zotua se do të ndalonte “100 për qind kalimet e Kanalit nga Franca.”

Ndonëse opsionet tjera në tryezë janë brigjet e Skocisë, Ishulli Man ose Gjibraltari kjo ngelet shpresa e vetem dhe jo përgënjeshtrimi i sërishëm i Kryeministrit Edi Rama i cili duke e kuptuar seriozitetin e situatës së krijuar pas raportimit të prestigjiozes “The Times” nuk nxori Fugën doli vetë:

“Shqipëria s’do të ketë kurrë kampe emigrantësh. Nuk do jemi nga ato vende që do kenë kampe emigrantësh!”