100 % taksë produkteve serbe/ Vuçiç shqiptarëve: Ju lutem tërhiqeni vendimin. Me neve duhet të bëni marrëveshje, nuk ju ndihmojnë Amerikanët…

Presidenti i Serbisë, Aleksandar Vuçiç pas mbledhjes së Këshillit të Sigurisë Kombëtare të cilin e kishte thirrur pas vendimit të Qeverisë së Kosovës për vendosjen e taksës prej 100 për qind për produktet serbe, tha se në thelbë kemi të bëjmë me një vendim për ndalimin e qarkullimit të mallërave.

Përkundër kësaj mbledhje dhe kohës së kaluar, Presidenti serb është i qartë se nuk e shikon veten në pasqyrë, por vazhdon e akuzon shqiptarët. Veprimet e tij nuk i sheh ama për ato të Prishtinës zyrtare thotë se nuk janë civilizuese dhe as normale por Serbia, thotë ai, “nuk do t’ja kthej me masa të ngjashme” ndonëse shteti serb ndaj mallërave serbe sillet në mënyrë fashiste, jo prej se ekziston shteti i Kosovës, por prej kohës kur ekziston shteti serb. Nuk tregoi se cilat janë detyrat, por tha se për çdo ministër dhe zyrtar serbë janë përcaktuar se si duhet të veprojë në të ardhmen.

“Duhet të ndërmarrim masa të ndryshme në mënyrë që të informojmë botën për atë çfarë po ndodhë në mënyrë, që të ndihmojmë popullin tonë në Kosovë,” vazhdoi me propagandë Aleksandar Vuçiç duke shtuar se Qeveria e Serbisë nesër do ti drejtohet të gjitha shteteve anëtare të KS të OKB dhe atyre të BE për të treguar faktet se si, sipas tij, po shkelet Marërveshja CEFTA dhe ajo e MSA.

Dhe sërish propagandë:

“Beogradi nuk do të ndalojë kamionët dhe makinat ashtu si edhe qarkullimin e mallërave nga Kosova,” tha Vuçiç ndërkohë që të gjitha këto veprime i ka bërë dhe i bënë që nga shpallja e pavarësisë së Kosovës pavërsisht nga Marrëveshjet e firmosura në Bruksel.

Përveç propagandës edhe aktrim:

“Lus shqiptarët edhe një herë që ta kuptojnë se na duhet paqja, dhe jo përshkallëzimi i dhunës. Ju lutem, tërhiqni vendimin,” tha ai duke shtuar se  ekziston frika objektive për popullin serb, sepse kemi të bëjmë me situatën më të vështirë në 15 vitet e fundit, dhe i kthehet atij dinjiteti të sëmurë serb:

“Me neve duhet të bëni marrëveshje, nuk do t’ju ndihmojnë as Amerikanët dhe as kush do tjetër,” tha Presidenti i Serbisë.

Pas këij prezantimi të asaj që është diskutuar në mbledhjen e Këshillit të Sigurisë Kombëtare të Serbisë, Aleksandar Vuçiç në një intervistë për televizionin publik serb, RTS, tha se vendimi i Qeverisë së Kosovës ka katër qëllime:

-I pari është presioni i cili do të çonte në kapitullimin e Beogradit dhe pranimin e pavarësisë së Kosovës;

-I dyti është zbatimi i spastrimit etnik të serbëve nga Kosova;

-I treti është presioni mbi institucionet ndërkombëtare për shkak të liberalizimit të vizave;

-Dhe, i katërti është arritja e një konflikti dhe destabilizimi të plotë, tha Presidenti i Serbisë, Aleksandar Vuçiç duke folur me gjuhën e Millosheviçit ndërkohë në vërejtjen e gazetarit, nëse kjo masaë e Qeverisë së Kosovës erdhi ashtu siç përfolet në mediat serbe, për shkak të luftës së shtetit serb për të penguar anëtarësimin e Serbisë në INTERPOL, ai tha se kjo nuk ka lidhje me këtë çështje, duke u sjellur sikur nuk ka asgjë të keqe edhe pse çdo sekondë të jetës së tij mendon jo si të normalizoj marrëdhëniet me shqiptarët dhe Kosovën por si ta dëmtojë më shumë shtetin e Kosovës