100 % taksë produkteve serbe/ Vuçiç thirrë Këshillin e Sigurisë Kombëtare të Serbisë

Pas vendimit të Qeverisë së Kosovës për vendosjen e taksës 100 % për produktet serbe, Presidenti i Serbisë, Aleksandar Vuçiç harroi akuzat që kishte filluar ndaj Maqedonisë dhe Malit të Zi pse i kishin dhënë votën Kosovës për anëtarësim në INTERPOL.

Aleksandar Vuçiç ftoi Ambasadorët e shteteve më të fuqishme të BE, Rusisë dhe Kinës për të diskutuar lidhur me situatën më të re që u krijua për ekonominë dhe shtetin serb. Pas këtij takimi, nga Presidenca e Serbisë bëhet e ditur se Aleksandar Vuçiç do të zhvilloj edhe një mbledhje të Sigurisë Kombëtare të Serbisë.

Ndryshe, Qeveria e Kosovës ka miratuar sot propozimin e Ministrit të Tregtisë dhe Industrisë Endrit Shala për të vendosur taksë prej 100 për qind ndaj produkteve serbe dhe atyre nga Bosnje Hercegovina.

Dhe, 10 vjet pas shpalljes së Pavarësisë së Kosovës, vetëm sot Serbia e kuptoi që Kosova vërtetë është shtet, sepse ky vendim prek direkt në palcë ekonominë e serbe e cila pjesën më të madhe të prodhimeve e shet në Kosovë. Ndëkohë, rëndësinë e kësaj mase e din vetëm Serbia e cila pas shkëputjes së Sllovenisë nga Jugosllavia, Sllobodan Millosheviçi i vuri taksë prej 80 % produkteve sllovene dhe +40 % për ato të luksit.