100-vjetori i marrëdhënieve Shqipëri-SHBA, dy avionë B-52 spektakël mbi Sheshin Skënderbej

Për nder të 100 vjetorit të marrëdhënieve diplomatike midis Shteteve të Bashkuara dhe Shqipërisë, Ambasada e SHBA në Tiranë bënë të ditur se dy avionë amerikanë B-52 do të kryejnë fluturime në lartësi të ulëta mbi Tiranë sot në orën 14:45-15:00 dhe fton shqiptarët të bashkohen në Sheshin Skënderbej.

“Dy avionë amerikanë B-52 do të kryejnë fluturime në lartësi të ulëta mbi Tiranë sot dhe të gjithë jeni të mirëpritur t’i ndiqni! Bashkohuni me ne në Sheshin Skënderbej sot në orën 14:45-15:00, në këtë mundësi unike për të parë fluturimin në nder të 100 vjetorit të marrëdhënieve diplomatike midis Shteteve të Bashkuara dhe Shqipërisë,” thekson përmes një njoftimi Ambasada e SHBA në Tiranë duke përfshirë edhe marrëdhëniet tona si aleate dhe partnere në NATO.