11 deputetë që u bënë ministra, nesër zëvendësohen nga KQZ

Komisioni Qendror i Zgjedhjeve, KQZ, nesër pritet të rekomandoj kandidatët e radhës për të zëvendësuar 11 deputetët e Parlamentit të Kosovës që u bën ministra.

“Pesë kandidatë janë nga radhët e subjektit politik Lëvizja Vetëvendosje, po kaq nga radhët e subjektit politik Lidhja Demokratike e Kosovës dhe një nga Nova Demokratska Stranka,” tha zëdhënësi i KQZ-së, Valmir Elezi.

Nesër, KQZ mbanë edhe mbledhjen e parë në përbërjen e re, pas betimit të 10 anëtarëve të rinjë para Presidentit të Republikës.