11 vjet nga anëtarësimi në NATO, Basha: Përkushtimi ynë u shpërblye. Bashkë do t’ia dalim!

Duke kujtuar 11 vjetorin e anëtarësimit të Shqipërisë në NATO, Kryetari i Partisë Demokratike, Lulzim Basha, kujton me krenari punën dhe përkushtimin e jashtëzakonshëm të qeverisë në ato vite për këtë arritje historike për të gjithë ne shqiptarët.

Puna, përkushtimi dhe ndershmëria shpërblehen gjithmonë, thekson Lulzim Basha në reagimin e tij përmes rrjetit social Facebook duke përfunduar:

“Ndonëse sot po kalojmë ditë të vështira, ne nuk jemi vetëm. Bashkë do tia dalim! E keqja do kalojë dhe ne do të ngrihemi më të fortë!”

Ja postimi i plotë:

Të dashur bashkëqytetarë, sot u mbushën 11 vite nga anëtarësimi i Shqipërisë në NATO. Unë kujtoj me krenari punën dhe përkushtimin e jashtëzakonshëm të qeverisë në ato vite për këtë arritje historike për të gjithë ne shqiptarët.

Puna, përkushtimi dhe ndershmëria shpërblehen gjithmonë! Ndonëse sot po kalojmë ditë të vështira, ne nuk jemi vetëm. Bashkë do tia dalim! E keqja do kalojë dhe ne do të ngrihemi më të fortë! #WeAreNato #ditemetemira