13 Tetori/ Aleatët e PD regjistrohen në KQZ

Sot kur skadon afati për tu regjistruar partitë politike në Komisionin Qendror të Zgjedhjeve për zgjedhjet vendore të datës 13 Tetor, të cilat u dekretuan nga Presidenti i Republikës, Aleatët e PD, Partia Republikane dhe LSI dërguan kërkesën për regjistrim në KQZ. Ndërkohë pritet që edhe Partia Agrare Ambientaliste e Agron Dukës të dorëzojë kërkesën për regjistrim si parti e cila kërkoi nga KQZ për të nisur procedurat për zgjedhjet e 13 Tetorit .

Ndryshe, ky regjistrimi i Aleatëve të PD, vjen edhe pas refuzimit të anëtarëve socialist të KQZ, për të shqyrtuar kërkesën e Partisë Republikane, Lëvizjes Socialiste për Integrime dhe Partisë Agrare Ambientaliste për të nisur procedurat për zgjedhjet e 13 Tetorit.