13 vjet shtet, ngritet flamuri shtetëror, fillon shënimi i Ditës Pavarësisë së Kosovës
Mëngjesin e sotëm presidentja në detyrë, Vjosa Osmani dhe kryeministri në detyrë, Avdullah Hoti ngritën flamurin shtetëror duke filluar kështu dhe manifestimer për shënimin e 13-vjetorit të Pavarësisë së Kosovës.
Ngritja e flamurit shtetëror është bërë nga Garda Ceremoniale e Forcës së Sigurisë së Kosovës, FSK, ceremoni pas së cilës Presidentja Osmani u shpreh:
“Ngritja e flamurit shtetëror. Urime dita e pavarësisë së shtetit tonë të dashur,” tha Vjosa Osmani duke vazhduar me homazhe tek varri i Ish-Presidentit, Ibrahim Rugova.
Ndërkohë kryeministri në detyrë i Kosovës, Avdullah Hoti shton:
“Me ceremoninë e ngritjes së flamurit shtetëror nga Garda Ceremoniale e FSK-së, filluam manifestimet për shënimin e 13 vjetorit të shpalljes së pavarësisë së Republikës së Kosovës”.
