“150 iranianë të vdekur”/ Pse anuloi sulmin dhe paralajmëron Iranin, Presidenti Trump: Do të shkatërroheni nëse…

Regjimi kriminal i Iranit ka vazhduar me kërcënimet pas anulimit amerikan të sulmit mbi shënjestrat iraniani ndërkohë Presidenti i SHBA, Donald Trump  duke sqaruar gjatë një interviste ekskluzive për televizionin NBC pse anuloi sulmin tha se nuk dëshiron luftë, por paralajmëroi Iranin se do të përballet me shkatërrimin e plotë nëse vjen deri tek konflikti.

Në prag të luftës

Irani dhe SHBA ishin në prag të luftës mbrëmjen e së enjtes duke u gdhirë e premtja, President amerikan Donald Trump miratoi sulmet ajrore mbi Iranin pas rrëzimit të një avioni pa pilot me vlerë prej 130 milionë dollar, por anuloi sulmet në momentin e funti.

Fillimisht Presidenti Trump sqaroi pse anuloi sulmet përmes rrjetit social Twitter.

“Të hënë rrëzuan dronin pa ekuipazh i cili po fluturonte mbi ujërat ndërkombëtare. Mbrëmjen e kaluar ishim të gatshëm të përgjigjemi me sulm në tri shënjestra të ndryshme. Kur kam pyetur se sa njerëz mund të vdesin, gjenerali më tha ‘150 njerëz, zotëri’. 10 minuta para sulmit e kam ndaluar.  Kjo nuk është përgjigje proporcionale  në rrëzimin e dronit pa pilot. Nuk kam nxitim, ushtria jonë po ndërtohet dhe është e gatshme, më e mira në  botë. Sanksionet po i shkatërrojnë, dhe mbrëmë i shtuam ato. Irani nuk guxon të ketë kurrë armë bërthamore, jo kundër SHBA, jo kundër botës,” theksoi Presidenti Trump.

Në intervistën dhënë televizionit NBC duke sqaruar detajet, tha se është i hapur për negociata por tha se nuk do ti lejoj Iranit të zhvilloi armë bërthamore.

Pse anuloi sulmin 

Presidenti Trump sqaroi për NBC se pse mori vendim të anuloi sulmin vetëm disa minuta para se të fillonin sulmet ajrore duke konfirmuar se bashkëpuntorët i kishin thënë se mund të humbin jetën 150 iranianë. 

Sulmi ishte gati, tha Presidenti Trump për NBC dhe pritej miratimi im: 

“Në atë moment e pyeta gjeneralin se sa njerëz mund të vdesin. Për momentin mendova se ata kanë rrëzuar një dron pa ekuipazh. Fluturake, si doni ta quani. Dhe tani ne jemi ulur këtu dhe nëse e miratojmë sulmin, rreth 150 njerëz do të vdesin për gjysmë ore ose një orë,” tha Presidenti Trump duke shtuar:

EXCLUSIVE: In an exclusive interview with Chuck Todd, President Donald Trump says he hadn’t given final approval to Iran strikes, no planes were in the air. pic.twitter.com/qHtTx7Zql5

— Meet the Press (@MeetThePress) June 21, 2019

“Nuk më pëlqeu. Nuk e konsiderova se kjo është proporcionale,” tha Presidenti i SHBA, Donald Trump duke  përgënjeshtruar zërat se avionët ishin në ajër rrugës për në Iran, kur ai e anuloi sulmin.

“Jo, jo, avionët nuk ishin në ajër,” sqaroi Presidenti Trump ndërsa iu drejtua liderëve të Iranit duke ju thënë se nuk mund të kenë armë bërthamore.

“Nëse doni të negocioni, shumë mirë. Në të kundërtën, do të jetoni me një ekonomi të shkatërruar për shumë kohë,” tha Presidenti i SHBA, Donald Trump. 

Ndryshe, SHBA ka deklaruar se droni është rrëzuar mëngjesin e së martës në hapësirën ajrore ndërkombëtare ndërsa Teherani vazhdon të deklaroi edhe sot me komunikata primitive dhe kërcënuese se droni amerikan është rrëzuar në hapësirën ajrore të Iranit dhe sipas Agjencisë së lajmeve Tasnim, që është e lidhur me Gardën Revolucione të Iranit, Ministria e Jashtme ka lavdëruar rrëzimin e dronit duke shtuar se Republika Islamike kurrë nuk do të lejojë që t’i shkelet integriteti territorial. Me kërkesën e SHBA, Këshilli i Sigurimit të OKB të hënën do të diskutoj lidhur me Iranin.