16 Shkurt, fund padrejtësisë/ Basha në Kukës: Heqja e traut, masa jonë e parë…

Kryetari i Partisë Demokratike, Lulzim Basha turin e tij të takimeve me qytetarët nëpër Shqipëri sot e vazhdoj me Kukësin ku u njoh me situatën e rëndë ekonomike dhe mospërfilljen që i bënë kryeministri Edi Rama këtij qyteti, jo pa qëllim.

Tregtarët i treguan gjendjen e mjeruar në qytetin e Kukësit të cilën e ka krijuar Edi Rama me qeverisjen e tij, që është dhe arsyeja kryesore pse kuksianët po braktisin këto troje.

Trau i dytë i Edi Ramës në Kalimash, pas atij të Kukësit, ishte njëri ndër shqetësimet krysore të tregtarëve të qytetit të Kukësit, për të cilat, lideri i opozitës u dha plotësisht të drejtë:

“Nuk pritja që të gjejë një situatë kaq të rëndë, por gjendja është më e rëndë. Edi Rama me Kukësin ka ndjekur politikë spastrimi dhe zbrazje. Ky është njeriu që na hiqet si patriot i madh, por e ka shprehur i pari, a ka mundësi me e heq Kukësin e me ja çu Kosovës që të mos kemi votën e kuksianëve. Ai e di që nuk e ka mbështetjen e kuksianëve dhe qëllimi i tij ishte zbrazja e Kukësit. Për t’i larguar nga shtëpitë e tyre dhe Kukësi kja shkallën më të lartë të emigracioni në të gjithë Shqipërinë. Masat që ka marrë, vendosja e traut, heqja e Universitetit, mbytja dhe shkatërrimi i biznesit, ka goditur Kukësin dhe gjithë Shqipërinë. Zotohem para jush, çdo padrejtësi që Edi Rama ka bërë kundër kuksianëve, ju premtoj që do ta zhbëjnë që në javët tona të para në pushtet. Duke nisur me anulimin e traut që ka vënë për t’ju ndarë nga pjesa tjetër e Shqipërisë. Do të zerojmë taksën. Ju e arritët një sukses dhe i treguat rrugën se si komunikohet me Edi Ramën.”

Me këtë rast Basha premtoi edhe rihapjen e Universitetit të Kukësit:

“Ne do të rihapim Universitetin e Kukësit. Riha[ja e universitet do të rikthejë këtu fëmijët tuaj, me kosto më të ulët. Do të financojmë praninë e pedagogëve në mënyrë që këtu të jetë një qendër universitare e kërkimit shkencor, e trajnimit profesnal. Ne do të marrim përvojën më të mirë gjermane sepse gjermanët i kemi në krahë. Ne këtu do të ndërtojmë modelin gjerman, ku gjysmën e kohës studenti ta kalojë në Universitet, gjysmën e kohës ta bëjë stazh pune. Jo vetëm o të sjellim profesorë e docentë, por do ta bëjmë qendër universitare të veriut të Shqipërisë, ku të vijnë nga Prizreni dhe zonat përreth,” ishin këto premtimet kryesore të kryetarit të Partisë Demokratike, Lulzim Basha që u dha kuksianëve pas takimit të parë.

Para kuksianëve, lideri i opozitës Lulzim Basha, theksoi se prioritet kryesor i qeverisjes demokratike do të jetë punësimi dhe jo lëmosha Basha:

“Do të eleminojmë taksën Rama mbi karburantin, 300 lek më lirë, prej ditës sonë të parë në qeveri. Ditën e parë do të firmosim heqjen e taksës Rama. Kjo do të çlirojë ekonominë. Energjia elektrike, gjysma e familjeve në Kukës janë hequr nga ndihma ekonomike. Ne nuk mund të pranojmë që shteti t’i lë pa bukë, pa ujë, pa drita. Familjet që janë hequr me të padrejtë nga ndihma ekonomike do të kenë ndihmë ekonomike të mjaftueshme për bukë, ujë dhe drita. Por, dua t’jua them hapur se prioriteti ynë kryesor është punësimi, nuk është lëmosha. Ose të vetëpunësohen ose punësohen në biznese.”

E pashmangshme ishte edhe çështja e pronave, problem të cilin kuksiaanët e vuajnë që ga ditët e para të pushtimit komunist:

“Ky vend po qeveriset nga një grusht shteti, vetëm se grushtin e shtetit nuk e kanë bërë ushtarakët, nuk e kanë bërë serbët, e kanë bërë një grusht oligarkët, një grusht kriminelësh me Edi Ramën. Problemi me tokën, shtëpive dhe pasurive të përmbyrura e njoh me detaje, që kur kemi qenë në qeveri.

Fatura totale e shpronësimit për afro 5 mijë familje është rreth 70 milionë euro, kjo nuk është fatura e talljes. Përse tallen me ju. Unë s’kam ardhur si kontabilist. Vitin që shkoi OSSH e ka mbyllur me 70 milionë euro fitim, por ka krijuar fitim edhe për kompani fantazëm ku gazetarë hetues të Sllovenisë thonë që janë familjarë të lidhur me Edi Ramën që për 8 orë ka bërë 4 milionë e gjysëm euro fitim. Nuk dëmshpërbleheni, jo sepse s’ka lek, por sepse lekët tuaja i merr Edi Rama.

Kjo me ne do marrë fund. 1. Do të ngremë komisionin e posatshëm shtetëror për shpronësimin dhe dëmshpërblimin tuaj. 2. Të gjitha vlerat e shpronësimit do të jenë me vlerë tregu. Jo me VKM por me ligj në Parlament. 3. Do të bëjmë gjithçka që brenda dy viteve të para që buxheti i shtetit të bëjë rakordime me maskarallëqet që ju rrinë në qafë me kamatvonesatr e më të gjitha të tjerat. Këto janë pikat e mia për kuksianët e pashpronësuar.”

Shoh vendosmërinë tuaj, nën këtë ditë të bekuar nga Zoti me këtë diell. E paskemi lënë larg datën 16, tha kryetari i PD, duk vleresuar se sot nisen t’i japin fund padrejtësisë.

“Heqja e taksës korruptive, do të jetë masa jonë e parë. Kuksianët treguan qëndresë dhe drejtësi për të gjithë shqiptarët. Një mesazh për organet e drejtësisë. Kini kujdes. Gjithçka do të shënohet, padrejtësinë ndaj kuksianëve nuk do t’jua falim kurrë. Asnjë prind apo i ri kuksian që u ngrit kundër padrejtësisë, meriton vetëm mirënjohje. Drejtësia do të veprojë ndaj Edi Ramës dhe qeveritarëve të tjerë të korruptuar që vendosën këtë taksë,” tha Lulzim Basha duke folur për kukullat e krimit dhe oligarkisë që kanë uzurpuar pushtetin. Edi Rama bën manorva për të heshtur e mbrojtur Gjushin dhe gjushërit e tjerë sepe mbron veten e tij, sepse në dosjet e prokurorisë qartësisht provohet se mendja, truri dhe përfituesi kryesor i shkatërrimit të zgjedhjeve në 2017 dhe i kapjes së institucioneve nëpërmjet bandave, është vetëm dhe vetëm një emër. Është Edi Rama kryeministri i krimit dhe kryeministri i oligarkëve.”

Nëse në një nga vendet më të korruptuara do të bënte vaki ajo që ndodhi me Unazën, ku u kap në flagrancë duke vjedhur 20 milionë euro kilometrin në një rrugë të ndërtuar, edhe qeveria më e korruptuar e botës, do e kishte çuar ministrin përgjegjës në burg.

“Ndërsa këtu jo! Sepse po të shkojë Damian Gjiknuri në burg emri i parë që do të nxjerrë është emri i atij që i ka marrë milionat dhe i ka çuar në konto bankare sekrete dhe ju e njihni se kush është ky. 2 miliard euro u ka marrë shqiptarëve këto vite. Rriti 100% taksat, energjinë, karburantin. Familjeve me ndihmë ekonominë u hoqi bukën e gojës fëmijëve dhe të pamundurve,” tha kryetari i PD Lulzim Basha.