17-vjeçarja e mbytur në Velipojë, del ekspertiza mjeko-ligjore: S’ka shenja dhune!

Në trupin e vajzës nuk ka pasur shenja dhune. Ky është konstatimi i ekspertizës mjeko-ligjore për ngjarjen tragjike dje në Velipojë ku u gjet e mbytur në det, 17-vjeçarja Enisa Doda.

“Vajza nuk ka shenja dhune. 17-vjeçarja ka humbur jetën nga mbytja. Vajza kishte shenja se i ishte bllokuar frymëmarrja”, thuhet në rezultatet e ekspertizës mjeko-ligjore.

Ndërkohë, mësohet se i arrestuari për ngjarjen e rëndë, 25-vjeçari Indrit Bajraktari ka pranuar të flasë para hetuesve. Ai ka thënë para hetuesve se do të flasë vetëm në gjyq për ngjarjen.

Ndryshe, 25-vjeçari Indrit Bajraktari u arrestua dje si i dyshuar se ka dalë në breg pa e ndihmuar të renë. Ai ishte futur në det me motor uji së bashku me 17-vjeçaren, kur kjo e fundit është rrëzuar, duke humbur jetën në det.