17 vjet nga vrasja, Vjosa Osmani: Vrasësit e Tahir Zemajt në liri!

Sot në 17 vjetorin e vrasjes së Tahir, Hasan dhe Enis Zemajt, Nënkryetarja e Lidhjes Demokratike, Vjosa Osamni, duke kujtuar dhe shumë figura tjera që u vranë nga kriminelë qyqarë, tha se vrasësit ashtu dhe urdhërdhënësit vazhdojnë të jenë në liri.

“17 vjet më parë, u vranë Tahir, Hasan dhe Enis Zemaj. Njejtë sikur edhe shumë figura të tjera të Lidhjes Demokratike, ata u vranë në pritë, nga kriminelë qyqarë të cilët nuk e donin Kosovën,” tha Vjosa Osmani në reagimin e saj përmes rrjetit social Facebook duke kujtuar Enis Zemajn e vrarë i cili ishte vetëm 18 vjeç.

Dhe sot vrasësit dhe urdhërdhēnësit jo vetëm qē janē në liri, por vazhdojnë të pengojnē zbardhjen e krimeve të pasluftës!

“Vrasësit e urdhërdhënësit janë akoma të lirë dhe sot, si asnjëherë më parë, vazhdojnë të krijojnë pengesa drejt zbardhjes së krimeve të pasluftës dhe pengesa ndaj përpjekjeve që mund të jenë shpresa e fundit për drejtësi.”