17 vjet Shtet i Ambasadorëve, as sot Kosova nuk funksionoi dot pa Ambasadorë!
Që nga krijimi i shtetit, 17 shkurt 2008, Kosova nuk ka shënuar miratimin e asnjë vendimi madhor pa ndërhyrjen e Ambasadorëve të Quintit, madje shumicat parlamentare nuk ishin as të brishta por të detyruara me përjashtim të miratimit të Qeverisë Kurti 2 e cila kishte shumicën; Edhe në këtë rast të vetëm ku nuk kishte ndërhyrje të Ambasadorëve, u prodhua si mazhoranca ashtu dhe opozita arrogante që, siç u pa edhe sot, kanë humbur edhe sensin e komunikimit!
Në seancën e sotme kur pritej vazhdimi i seancës konstituive pasi në seancën e parë opozita nuk votoi miratimin e mandateve të deputetëve, edhe pas ndërhyrjes së Presidentes së Kosovës, Vjosa Osmani se bazuar në frymën e Kushtetutës, dispozitat që ndërlidhen me konstituimin e institucioneve shtetërore duhet ta mundësojnë dhe jo ta pengojnë themelimin dhe funksionimin kushtetues të tyre, dhe thirrjes për respektimin e Rregullores nuk u dha ndonjë rezultat ndonëse kryesuesi i seancës konstituive, deputeti më i vjetër Avni Dehari, vazhdojë brenda 48 orësh seancën; Përpjekja e sotme nuk prodhoi asgjë më shumë se sa një bllokim të procesit nga dy grupime politike arrogante!
Vazhdimi i seancës konstituive pritet të mbahet pas 48 orëve me shpresën se turpi do ka ketë dhe ditën e gjykimit!
Ndryshe, miratimi i raportit të verifikimit të mandateve të 120 deputetëve të rinj të legjislaturës së 9-të të Parlamentit të Kosovës, do t’i hap rrugë betimit të tyre dhe propozimit për zgjedhjen e kryetarit dhe nënkryetarëve të legjislaturës së 9-të. Pas kësaj, do të shihet nëse partia fituese e zgjedhjeve ka numrat për ta krijuar qeverinë e re, përbërja e së cilës ende nuk dihet.
