Sot Republika e Kosovës shënon 17 vjetorin shpalljes së pavarësisë shtet të pavarur dhe sovran. Por, është hera e parë që kjo ditë festohet edhe në Veri, i cili tashmë është çliruar nga bandat kriminale serbe, dhe liria e lëvizjes është e garantuar.
Në këtë ditë festive, mëngjesi filloi me mbledhja festive të Qeverisë së Republikës së Kosovës ku Kryeministri Albin Kurti tha suksesi i Kosovës është amanet i dëshmorëve.
“Demokracia kërkon institucione të forta, pa institucione që garantojnë të drejtat e njeriut, demokracia mbetet vet një ide. Republika jonë mbetet me e fortë , ekonomia po rritet vit pas viti, me pasaportën e Republikës lëvizim lirshëm dhe jemi nder vendet më të sigurta. Rezultatet tona janë dëshmia e progresit tonë të përbashkëta,” tha Albin Kurti.
Pas mbledhjes së Qeverisë, Kryeministri Albin Kurti i shoqëruar nga Presidentja Vjosa Osmani kanë marr pjesë në ngritjen solemne të Flamurit të Republikës së Kosovës.
Gjithashtu në kuadër të ceremonive festive ata kane kanë bërë nderime te Monumenti i të Pagjeturve si dhe te Monumenti i Fëmijëve të vrarë gjatë luftës në Kosovë.
Në orën 12:00 do të ketë parakalim të Forcave të Sigurisë së Kosovë dhe Policisë së Kosovës.
Ndryshe, më 17 shkurt të vitit 2008 në ora 15:39 Parlamenti i Republikës së Kosovës miratoi Deklaratën e Pavarësisë duke shpall Kosovën shtet të pavarur dhe sovran.
Ja dhe Agjenda e aktiviteteve për shënimin e 17 vjetorit të Pavarësisë së Kosovës:

AGJENDA
Ora 8:00 – Mbahet mbledhja festive e Qeverisë së Republikës së Kosovës, me rastin e shtatëmbëdhjetë (17) vjetorit të Pavarësisë.
Ora 8:20 – Ngritja solemne e flamurit të Republikës së Kosovës
Ora 8:30 – Nderimi i Monumentit të të Pagjeturve dhe Memorialit të Fëmijëve të Vrarë
Ora 9:00 – Homazhe te varri i ish-presidentit Dr. Ibrahim Rugova
Ora 9:10 – Homazhe te varri i veprimtarit Adem Demaçi
10:15 – Homazhe në Kompleksin Memorial “Adem Jashari”
11:45 – Nderimi i Monumentit të “Heroinatit”.
12:00 – Parada e Trupave të Forcës së Sigurisë së Kosovës
16:00-16:20 – Konferenca e parë shkencore për krimet e kryera gjatë luftës në Kosovë, amfiteatri i Institutit të Historisë.