2 Korriku 1990, Haradinaj: Pikënisje e shtetësisë së Kosovës!
Kryeministri i Kosovës, Ramush Haradinaj, u shpreh se Deklarata Kushtetuese e 2 korrikut ishte pikënisje e shtetësisë së Kosovës.
Kjo datë, sipas tij, i dha kahje të re përpjekjeve për liri e pavarësi dhe është rezultat i përpjekjeve shekullore të popullit tonë për ta realizuar idealin e lirisë.
“Deklarata Kushtetuese e 2 korrikut të vitit 1990, shënon pikënisjen e shtetësisë së Kosovës. Kjo ditë, që i dha kahje të re përpjekjeve tona për liri dhe pavarësi është rezultat i përpjekjeve shekullore të popullit tonë për ta realizuar idealin e lirisë. Gratë dhe burrat, që e vulosen vullnetin e popullit tonë, do të kujtohen dhe lartësohen nga brezat për përpjekjen e tyre për jetësimin e ëndrrës shekullore, shtetit të pavarur,” tha Kryeministri i Kosovës, Ramush Haradinaj me rastin e 2 Korrikut .
Ndryshe, më 2 Korrik të vitit 1990, delegatët e Kuvendit të Kosovës, miratuan Deklaratën Kushtetuese të pavarësisë së Kosovës, e njohur si Deklarata e 2 Korrikut.
