20 Shkurt, Basha: Kurrë Enver!

Duke kujtuar me krenari 29 vjetorin e rënies së bustit të diktatorit Enver Hoxha, Kryetari i Partisë Demokratike, Lulzim Basha,thekson se sot nderojmë çdo shqiptar që në 20 shkurt 1991 mposhti frikën e komunizmit.

“20 shkurti është dita për të kujtuar me respekt të gjithë ata studentë dhe qytetarë që shembën simbolin e fundit komunist në Europë duke rrëzuar bustin e diktatorit,” thekson Lulzim Basha vlerësuar 20 shkurtin 1991 si hapin e parë në sherbimin ndaj Shqipërisë së lirë dhe demokratike ndërsa përfundon:

“20 shkurti është dita e forcës dhe e kurajos, dhe hapi i parë në shërbimin ndaj Shqipërisë së lirë dhe demokratike. Sepse çdo shqiptar, si 29 vjet me parë dhe sot ka ende një qëllim madhor: ta bëjmë Shqiperinë si Europa.”

Ndryshe, më 20 shkurt 1991, me rënien e bustit të Enver Hoxhës shënohet dhe fundi i diktaturës në Shqipëri. Rrëzimi i bustit të diktatorit Enver Hoxha u nxit nga greva e urisë e cila u inicua nga qindra studentë për t’i hequr universitetin emrin e tij.

20 shkurti është shpallur Dita e Kujtesës kombëtare për Martirët dhe Viktimat e regjimit komunist.