20 Shkurt, sot misioni i PD vazhdon!
Sot, në ditën kur një lëvizje e madhe qytetare dështoi 35 vjet më parë, ose më saktë u manipulua të rrëzoi komunizmin dhe u vetëkënaq me rrëzimin e bustit të diktatorit Enver Hoxha, Partia Demokratike organizon një Protestë të madhe Kombëtare në orën 18:00 në Bulevardin Dëshmorët e Kombit në Tiranë, për të vazhduar aty ku e la më 20 Shkurt 1991, me një ndryshim thelbësor, për të tërhequr zvarrë diktatorin Edi Rama dhe jo bustin e tij!
Në kulmin e kaosit dhe paligjshmërisë, Kryetari i Partisë Demokratike, Sali Berisha, ftoj shqiptarët sot në Protestën Komëtare të mbrojnë të ardhmen e tyre.
“Ftoj shqiptarët të thonë fjalën e tyre me guxim epik nesër në ora 18:00 në rrugët dhe sheshet e Tiranës.
Vetëm qytetarët, vetëm guximi i tyre i hekurt, vetëm vendosmëria e tyre do t’i vendosë këtë organizatë kriminale me në krye Edi Ramën para ligjit dhe do mbrojë qytetarët shqiptarë, do mbrojë pasuritë e tyre, do mbrojë të ardhmen e tyre nga një bandë armiqësore si këta.”
Skenari i Protestës, tha lideri i opozitës Sali Berisha, është misteri i kryengritjes paqësore, gjithësesi sot të gjithë janë të qetë se nuk ka neritan cekë, që mund t’i devijojë në rrugëtimin e tyre për të protestuar, dhe për lehtësi të protestës nuk ka as Bllok por vetëm një qerdhe e hekurt që diktatori ngriti në Surrel, dhe, deri më sot ishte një vend proteste i propozuar nga ata që kanë humbur durimin nga terrori komunist!
