2023, një vit i madh shprese!

nga Sali Berisha*

Sot pas 1 viti përpjekjesh intensive, pas 1 viti në të cilin ne së bashku ja dolëm të transformojmë PD-në, nga një forcë politike e cila kishte hyrë në një letargji, për të mos thënë në një agoni, në një opozitë të vërtetë, të fuqishme, në një opozitë e cila rivendosi në themelet e saj, riktheu vlerat mbi të cilat ajo ishte themeluar.

Ky ishte një vit i vështirë  për PD-në. Do ta quaja një vit të paprecedentë në historinë e një force politike. Kundër saj, për ta mbajtur atë fasadë opozitë, u përdorën të gjitha mjetet, u përdorën i gjithë potenciali korruptiv i qeverisë më të korruptuar në Europë. U përdor i gjithë potenciali kriminal, i qeverisë më të lidhur me krimin në Europë. U përdor mafia ndërkombëtare e Sorosit. Të gjitha këto në funksion të një regjimi i cili ka vendosur monizmin e plotë në Shqipëri. Në funksion të një regjimi që ka vendosur praktika genocidale për qytetarët shqiptarë, me qëllim që ata të largohen nga vendi i tyre. Të gjitha këto, duke përdoru çdo lloj, të tre pushtetet, apo për të mos thënë të gjitha pushtetet, në mënyrë që forca jonë politike të mos ngrihej në këmbë, të mos ishte sovrane, mos ishte një forcë politike qëndrimet e së cilës ti përcaktonin bizneset e kryetarit me mafian shtetërore, qëndrimet e së cilës, ti përcaktonin korrupsioni, mafia e Soros, armik i egër i vlerave demokratike dhe interesave kombëtare të shqiptarëve.

Rrallë ndonjëherë mund të ketë ndodhur që të jetë ushtruar një presion i tillë ndaj një force politike. gjithçka zhvillohej që kjo forcë të vendosej në kontrollin e plotë të qeverisë dhe mafias qeveritare. Kushdo tjetër të vendoste, por jo shqiptarët. E kam fjalën këtu për shqiptarët që i thonë vendit të tyre atdhe dhe që besojnë se mundin dhe djersën e tyre, në këtë vend mund të ndërtohet e ardhmja. Të gjitha këto veprime të marra së bashku, dështuan.

Tani beteja nuk është më vetëm mes nesh dhe mafias shtetërore, por betejë e ashpër ka shpërthyer mes klaneve mafioze të pushtetit.

Të gjithë kësaj stuhie të pashembullt ndonjëherë në të cilën ne përdorëm si mburojë, instrument, mjet, lirinë dhe vetëm lirinë e anëtarëve tanë. Votën e lirë të tyre.

Kjo betejë u kurorëzua me primaret për qytetarët të parë të bashkive tona, nga anëtarësia dhe simpatizantët tanë. Sot të gjithë kandidatët tanë për primare vijnë produkt i votës së anëtarësisë dhe simpatizantëve tanë. Sot ata vijnë dhe paraqiten me një dinjitet të madh para qytetarëve shqiptarë.

Krahasoni rivalët e tyre se si dalin nga shpella e mafias. Nëse në Tiranë shkëlqeu një garë e hapur mes 7 kandidatëve, të vetëdeklaruar, propozuar, mbështetur nga ju, në krahun tjetër bëhet një betejë e koskave mafioze që pasqyrohet në tërë veprimtarinë e saj.

Çfarë ndodhi me zgjedhjen e kreut të skap. Në pamje të parë beteja ishte mes Edi Ramës dhe guverantores, që do hyjë në historinë politike të një vendi dhe çdo vendi. Një nga betejat më të turpshme. Një proces i cili duhet të kalonte në përputhje me ligjin e kushtetutën jashtë ndërhyrjeve, u shndërruar në një plasdarmë të paimagjinueshme.

Në shumicë menduan se guvernatorja Kim fitoi betejën. Në fakt, nuk është se nuk u përzije guvernatorja, por beteja ishte mes klaneve më mafioze të PS. Ata numra dhe vota kishin pas tyre Edi Ramën në njërën anë, Erion Veliajn, Ulsi Manjan, etj., dhe jo më pak aktive Belinda me Ogertën që shohin çdo natën veten kandidate.

Ajo ç’ka shqiptarët panë ishte vetëm perdja, sepse pas perdes ishte beteja më e ashpër që u zhvillua mes klaneve mafioze të një pushteti, që nuk njeh ligj, kushtetues dhe moral. U ndala në këtë moment se është më recenti ky.

Çfarë ndodh kur përjashton lirinë, kur përjashton votën. Se çfarë ishte në fund të fundit, procesi i skapit, çfarë ishte. Ai duhej të ishte një proces vote, anëtarët e atij forumi duhej të votonin me votë të fshehtë, paçka se votuan haptas se nuk i la njeri të votonin fshehtas, se nuk dihej se si do të shkonte vota.

Në rrafshin politik filozofik, ishte përjashtimi i lirisë, i votës. Ishin skena, procese në të cilat vota nuk duhej të diktohej, vota është formale.

Ndaj dhe, primaret në mënyrë të padiskutueshme, larg çdo lloj objeksioni ishte risia më madhore që PD ka sjellë nga themelimi, gjer sot. Nuk ishin të përsosura, por në tërësinë e tyre, ato mbeten një zhvillim historik jo vetëm për PD-në, por edhe për demokracinë shqiptare. Çdo problem i krijuar gjatë tyre do të shqyrtohet, analizohet, pasqyrohet në praktikën tonë. Ato janë praktika më demokratike që një forcë politike mund të përdorë.

Shihni palën tjetër që kalojnë nga ekrani në ekran si hije. Kemi metodën tonë, thotë Rama. Po çfarë metode, ajo është metoda e Enver Hoxhës.

Enveri e bënte, mblidhte byroje dhe caktonte sekretarët e parë dhe njoftohej. Edhe ky mbledh kryesinë dhe cakton kryetarët e degëve.

Në këtë kontekst, kandidatët tanë, me kandidatët e tij ndryshojnë si nata me ditën. Ja ku janë, kanë ardhur me një proces demokratik dinjitoz, kurse të tjerët dalin nga klanet mafioze të pushtetit, grupet kriminale e me radhë. Këtë e kemi arritur dhe duhet ta përsosim. Është në meritën e demokratëve, që këtë proces e realizuam me përkushtim, vendosmëri, civilitet.

Ne kaluam primaret për drejtuesit tanë të degëve. Ajo ishte një eksperiencë e shkëlqyer. Në  tërësi ato me përjashtime shumë të rralla nuk krijuan qarje, hatërmbetje të pariparueshme. Po në këtë frymë kaluan dhe primaret për qeveritarët vendorë.

Po në këtë frymë do të kalojnë kandidaturat për deputetë dhe qeveritarë qendror. Por cili është mesazhi i madh në rrafshin partiak për çdo anëtar të kësaj partie, të guxojë të kandidojë.

I zgjedhuri Duhet të investojë tek ata tek të cilët do ti përfaqësojë, duhet të fitojë besimin, të bëjë avokatinë e tyre dhe duhet ta konsiderojë veten njëri prej tyre.

Këto arritje janë shumë të rëndësishme dhe janë një premisë e mirë për fushatën tonë elektorale. Ne hyjmë në një fushatë elektorale si njerëz të lirë, me kandidatët tanë të përzgjedhur në mënyrën më demokratike. Ky është një avantazh, një epërsi e padiskutueshme aq sa ka liria epërsi.

Ne hyjmë në këtë fushatë gjithashtu në kushtet kur regjimi degradon gjithnjë e më shumë. Në kushtet kur regjimi rëndon gjithnjë e më shumë mbi shpatullat e shqiptarëve. Në kushtet kur regjimi kalbëzohet çdo javë e më shumë. Në kushtet kur Edi Rama dëshmon qartë se është i vendosur të bëjë gjithçka deri sa ti japim vendin që meriton, për të shkatërruar PD dhe për të spastruar Shqipërinë, e për ta shndërruar atë në parajsën e krimit, korrupsionit dhe klaneve me pasaporta të arta e me radhë.

Ne sot jemi para një alternative me këtë armik që kemi përballë. Ky kërkon ta shuajë PD-në dhe çdo demokrat duhet të jetë i ndërgjegjshëm për këtë. PD-në kërkon të ja varë në qafë një grup pengu që quhet Enkelejd, Lulzim apo si quhet. Ky kërkon në dhunim flagrant të çdo lloj parimi të votës, shumicës etj., që partia që përmbysi etërit e tij, të ndëshkohet nga ky bastard në pushtet.

Ky kërkon që duke asgjësuar PD-në, si e tillë pas rithemelimit të saj, të vazhdojë pushtetin e tij aq sa ta lejojë natyra. Edi Rama pas marrjes së pushtetit duke dhunuar votën, mendon në mënyrën më kriminale, të godasë përfundimisht pluralizmin.

Mendon dhe beson se mund të tjetërsojë PD-në. Kjo është çështja jonë, e çdo demokrati/ demokrateje, e çdo shqiptari dhe shqiptareje që do lirinë e pluralizmin.

A do pranojnë ne të dorëzojmë forcën tonë politike e cila në 30 vite ka transformuar Shqipërinë, apo do të dalim në betejë të hapur për të mbrojtur PD-në, pluralizmin politik në Shqipëri. Ne me qindra herë kemi deklaruar se Edi Rama vodhi zgjedhjet, se Edi Rama rrëmben votën. Kemi thënë të vërtetat, por shqiptarët presin se çfarë do të bëjmë ne për të mbrojtur votën. A do i dalim ne zot votës, dmth lirisë së shqiptarëve. Pa votë të lirë, nuk ka liri.

Pas betejës për ekzistencën tonë, jetike është beteja për ekzistencën e votës së lirë në Shqipëri. Duhet të pyesim veten ne. A e sjell njeri votën e lirë në Shqipëri? Askush, përveç nesh. Në Shqipëri është një fenomen, nuk mund të them unik, por më kulmor se kudo.

Korrupsioni përdoret në Shqipëri, për të luftuar antikorrupsionin. Krimi i organizuar në Shqipëri, përdoret për të luftuar antikrimi dhe këto janë të vërteta si drita e diellit.

Edi Rama paguan dhjetëra, qindra milionë lobingje për të blerë deklarata dhe vendime në mbështetje të tij. Këto janë të vërteta, asnjë shpikje. Këta përdorin çdo formë korrupsioni dhe kjo është e vërtetuar. Koha sot më shumë se kurrë është e njerëzve të ndershëm, me integritet, e qytetarëve që e duan këtë vend.

Kjo qeveri angazhon për të mbrojtur pushtetin e vet dhe kundër qytetarëve mekanizma mafioze dhe kriminale. Dëshmia më flagrante e kësaj është historia jonë si parti. Çfarë operacionesh i përpoq që të bëheshin mbi PD. Nuk ka histori më të paimagjinueshme, format më monstruoze të gënjeshtrave që do të mbeten monumente të korrupsionit ndërkombëtar.

Pse po ndalem unë te këto. Ndalem sepse kemi rrugë për të bërë, qoftë për ekzistencën e PD dhe votën e lirë të shqiptarëve. Fitojnë vetëm ata që kanë besim te e vërteta dhe nuk ngurrojnë ta mbrojnë. Ndryshe nuk fitohet kjo betejë. Ndryshe është e vështirë. Po ua përsëris edhe njëherë, situata janë krejt të ndryshme sot.

Ju i patë zgjedhjet e fundit, çfarë polariteti kishte. Përfaqësues ndërkombëtar që i damkosën dhe të tjerë që i quan në qiell. Kjo tregon se nëse ne nuk i dalim zot, shqiptarët nuk do të votojnë. Le të rrimë pa votuar, siç votuan në KLP. Ka kushtetutë që thotë me votë të fshehtë, apo ska rëndësi, duket si një copë letër pa vlerë. Të gjitha palët aty kishin frikë nga njëri tjetrin dhe donin ti shohnin votat në sy. Nuk gjenden askund skena të tilla. Prozhektorët mbi njëri-tjetrin. 11 veta që në çdo vend dhe kohë, duhet të votonin të lirë.

Kjo tregon se ku kemi arritur. Është një thirrje për çdo demokrat, e demokrate, për çdo shqiptar. Po nuk rikthyem votën, të ardhme nuk kemi. Dhe Edi Rama votë nuk rikthen. Ai ka transformuar shtetin në një makineri përbindëshe të dhunimit të votës.

Ai ka mobilizuar të gjitha bandat, mjetet kundër saj, por ajo nuk vdes, ai nuk e vret dot se ajo është në shpirtin e çdo njeri me dinjitet që do të votojë. E ne duhet të bëhemi avokat i secili prej tyre.

Siç rikthyem vlerat, parimet brenda PD-së, duhet ti rikthejmë brenda shoqërisë shqiptare. Ju garantoj ju se kjo është rruga e vetme për të ngjallë shpresë. Rruga e vetme për të shënuar kthesën e madhe.

Shumë djersë është derdhur, shumë punë është bërë. Viti i ri që fillon kërkon nga PD, nga ju, të gjithë drejtuesit e saj, të ketë për kryefjalë, organizimin. Vetëm ushtritë e disiplinuara, të organizuara fitojnë betejat. Ne jemi në një betejë që nuk kemi qenë ndonjëherë më të vështirë, në një betejë që nuk e ka asnjë forcë tjetër politike si kjo e jona, por e kemi të gjithë potencialin për ta fituar. Kemi një kauzë të drejtë, mbështetje të fuqishme, anëtarësi të motivuar. Ndaj dhe duhet të organizohemi në çdo qelizë.

Ky organizim është përcaktues sot për betejën elektorale. Ne hyjmë në betejë elektorale. Të harrojë kush se braktisim zgjedhjet. Kjo është e ndaluar në kodin tonë. Në hyjmë në betejë dhe suksesi i saj do të përcaktohet nga organizimi ynë në nivel seksioni, nga lufta që duhet ti bëjmë fiktivitetit. Nga njohuritë që ne duhet të kemi mbi funksionalitetin e çdo seksioni. Në çdo seksion përcaktohet fati i betejës tonë. Çfarë do të thotë kjo. Kjo do të thotë që secili prej jush, çdo anëtar ka një vend dhe ai është te seksioni.

Tani të zbresim tek seksioni të gjithë. Të takohemi, bëjmë bilance, të riorganizohemi aty ku nuk jemi. Të shkëputemi nga çdo fiktivitet. Ne kështu mund të përballemi me regjimin. Kandidatët i kemi të zgjedhur në mënyrën më demokratike. Kundërshtari është i tmerruar nga kandidatët tanë dhe procedurat që kemi ndjekur. Por këto nuk mjaftojnë. Duhet organizim i fuqishëm.

E kemi diskutuar shumë herë këtë çështje, do e diskutojmë gjithnjë. Fillohet menjëherë me ndarje pune, çdo seksion të deleguarin, çdo seksion verifikimin. Fiktivitetin, realitetin. Zgjerimin, hapjen. Ne nuk mund ti mohojmë një demokrati, apo demokrateje që familjarët të mos jenë anëtarë të PD. Janë të mirëpritur. Se janë një familje, shumë mirë janë. Por ne nuk mund të lejojmë që seksioni të jetë vetëm një familje, apo dy familje. Ne duhet të shtrihemi detyrimisht në territor. Çdo familjar është i mirëpritur të marrë dokumentin e PD.

Në këtë mënyrë unë gjykoj se, ndeshjen e fuqishme në këto zgjedhje do e fitojmë, por krahas saj ne kemi edhe betejën me Ramën, për ti dhënë atij mësimin për përpjekjet që bën për të zhdukur PD-në, nëpërmjet pazareve të turpshme, të paimagjinueshme të një grushti njerëzish të marrë peng që nuk kanë ligj e moral, e që nuk kuptojnë. Përsëri është Edi Rama, sepse po të mos ishin ata, do të ishte dikush tjetër.

Është armiqësia e tij e egër, me pluralizmin politik, kundërshtarin, ndaj dhe ne duhet të bëjmë gjithçka për një fushatë elektorale model, për një mbështetje totale të kandidatëve tanë, të cilët edhe njëherë i kemi përfaqësues të denjë të qytetarëve dhe jo të mafias, mashtrimit dhe vjedhjes.

Shikoni se çfarë zhvillohet për Bashkinë e Tiranës. Se si e sulmojnë njëri-tjetrin, ne ua lamë këtë betejë anëtarësisë me votën e lirë, jo me intriga, thika, ryshfete dhe mashtrime.

Ndaj dhe duke ju uruar ju të gjithë anëtareve, anëtarëve, simpatizantëve tanë e shqiptarëve për Krishtlindje dhe vitin e ri, uroj që vitin e ardhshëm ta shndërrojmë në një vit të madh shprese, besimi fitoreje, për Shqipërinë dhe shqiptarëve.

*Fjala e Kryetarit të PD në mbledhjen e Këshillit Kombëtar