“21 Janari”, Apeli i GJKKO rrëzon kërkesën e familjarëve të viktimave

Gjykata e Apelit të Posaçm kundër Krimit të Organizuar dhe Korrupsionit, GJKKO, ka vendosur mospranim të ankimit të familjarëve të 21 janarit, te cilët kundërshtonin vendimin e SPAK për kalimin e çështjes për kompentencë në Prokurorinë e Tiranës.

Vendimi është marrë në Dhomë Këshillimi nga gjyqtarja Igerta Hysi.

Ndryshe, familjarët kishin ankimuar vendimin e SPAK që ia kaloi kallzimin e tyre për kompetencë Prokurorisë së Tiranës duke shprehur mosbesimin e tyre se çështja mund të zbardhet në një gjykatë të zakonshme.

Gjatë një proteste të Partisë Socialiste, të mbajtur më 21 Janar 2011 në bulevardin “Dëshmorët e Kombit”, para Kryeministrisë, u vranë katër protestues nga Garda e Republikës: Aleks Nika, Ziver Veizi, Hekuran Deda dhe Faik Myrtaj.