“21 Janari”/ Edi Rama qartëson edhe dilemën e fundit: Roli i Drejtuesit të grupit të snajperëve ishte…

Shkaktarin e “21 Janarit”, Ilir Metën, Edi Rama e bëri President, por ai që akuzua si pjesë e “Grupit të Zjarrit” dhe sot është kandidat për kryetar të Bashkisë së Matit, Agron Malaj, rezulton të ketë qenë përveç se Drejtues i njësisë së ndërhyrjes dhe Grupit të snajperëve edhe informator i PS në ditën e kobshme të 21 Janarit 2011. Dhe jo vetëm!

Këtë e konfirmoi sot Edi Rama duke mohuar Agron Malajn i cili në vitin 2016 thoshte se nuk ka ekzistuar “Grupi i Zjarrit” dhe është shpikje e drejtuesve të Gardës; Por sot Kryeministri tha se ka qenë pjesë e atij Grupi, ama nuk ka marrë pjesë në shkeljen e ligjit dhe se është nga njerëzit që ka informuar imtësisht për 21 Janarin.

“Agron Malaj ka qenë pjesë e Gardës së Republikës dhe e atij grupi, por është e provuar katërcipërisht, jo pjesërisht që nuk ka marrë pjesë në asnjë moment në asnjë shkelje të ligjit. Dhe juve që merreni me informacionin keni të gjithë të drejtën por edhe detyrën që para se ti vendosni njerëzit në një kornizë shabllone të investigoni, unë i kam bërë investigimet e mia.”

Në ndërhyrjen e gazetares së ai tashmë është amnistuar nga Edi Rama, pasi në 2013 Saimir Tahiri e pushoi atë nga Garda, Kryeministri sërish i bëri avokatinë:  

“Është e vërtetë që është larguar si shumë të tjerë, por jo për të konfirmuar fajësinë morale, në këtë rast, se penalen e jep gjykata, por për ti dhënë mundësi transparencës së gjithë procesit.

Ka qenë një nga njerëzit që ka informuar imtësisht për 21 janarin, jam shumë i qetë në këtë drejtim, se nuk ka asgjë këtu, nuk është se gjithë dynjaja, edhe këtu edhe në protestë, nuk janë të gjithë ata që vijnë njerëz që janë fajtorë, nuk mund të them kurrë që një pjesë e atyre që ishin edhe para Kryeministrisë kur hidhej molotov janë huliganë,” tha sot Edi Rama duke i dhënë fund edhe dilemave rreth tragjedisë së 21 Janarit 2011, dhe shkakut pse Agron Malaj u gradua Drejtor i OSHEE-së për Divizionin e Burrelit, kryetar i Partisë Socialiste Mat dhe tashmë zyrtarisht është dhe kandidat për kryetar të Bashkisë Mat.

Ndryshe, në vitin 2016 vetë Agron Malaj ka mohuar se ka ekzistuar “Grupi i Zjarrit” dhe se u shpik pas 21 janarit 2011 nga ata që janë përgjegjësit e vërtetë të vrasjes së 4 personave në bulevard. Ai si Komandant i Gardës, i cili drejtoi njësinë e ndërhyrjes dhe grupin e snajperëve sot mund të thotë çfarë ti dojë zemra por akuza se urdhëruesit dhe përgjegjësit e vrasjeve të 21 janarit janë në Ish-­kupolën e strukturave të larta të shtetit, ra. Ndonëse deri sot, fakti që në zgjedhjet parlamentare të vitit 2009, nga 400 vota të vlefshme sa kishin votuar në Gardën e Republikës, vetëm 39 kishin votuar për Partinë Demokratike, e bënte të dyshimtë çdo lëvizje dhe veprim të kësaj Garde sot është e qartë se gjithçka ishte e kuruar deri në detaj.

A do të shtyhen zgjedhjet

I pyetur për mundësinë e shtyrjes së zgjedhjeve, si variant për të gjetur një zgjidhje për krizën politike Kryeministri Edi Rama tha se nuk është utopi shtyrja e zgjedhjeve, por është shkelje e Kushtetutës.

“Utopi jo, por është shkelje e Kushtetutës. Ka njëmijë gjëra për të dialoguar, ata e thonë nuk duan as karrige, as pushtet, duan që vendi të jetë më e mirë dhe për këtë ka shumë gjëra që kanë nevojë të ndodhin akoma. Autobusi i 30 qershorit iku, sepse kur qëndroi në stacion ne i hipëm ata jo, treni i 2021 vjen shpejt se dy vjet ja kaluan, kur ishte dita e marrëveshjes me PD, të premten mbush dy vjetorin, a nuk ju duket sikur ka ndodhur pak kohë përpara, ja iku. Ata kanë shumë gjëra për procesin zgjedhor, legjislacionin, etj, ne kemi idetë tona po ashtu për çfarë do dialog ojme, që të kemi zgjedhje shumë më të mirë dhe për të diskutuar këto gjëra.

Dialogu është i hapur nuk vë kushte, nuk jam si paraardhësi im këtu. apo si ai, që thotë ik ti të flasim, por me kë do flasësh ti, me murin?

Kushte s’kam i gatshëm për të folur mbi çdo gjë, por jo të dalë unë mbi kushtetutën e vendit, jo. Kam pasur një arsye shumë të fortë se e kam ditur që do të ishte gur në qafë për vendin, procesin demokratik dhe palët se do të kthehej në lojë. Jo nuk ka, edhe data e zgjedhjeve nuk shtyhet se nuk mund të krijojmë precedentë,” tha Edi Rama.