“21 Janari”, SPAK: Nuk ka asnjë element për përfshirjen e Berishës, Bashës…

Vetëm dy javë pasi familjarët e viktimave të 21 Janarit depozituan një kallëzim në SPAK, ndaj Ish-Kryeministrit Sali Berisha, Ish-Ministrit të Brendshëm, Lulzim Basha, ish-kreut të Gardës, Ndrea Prendi, dhe ndaj ish-gardistit Agim Llupo, kreu i Porkurorisë së Posaçme, Altin Dumani, konstaton se nga hetimet e kryera deri më tani nga Prokuroria e Tiranës, nuk ka asnjë element që sugjeron përfshirjen e subjekteve të përmendura në kallëzim, për këtë ngjarje.

Në përgjigjen e kërkesës së familjarëve që çështja të merrej nën hetim nga SPAK, Dumani bën me dije se pse aktualisht nuk është në kompetencën e Prokurorisë së Posaçme që të hetojë këtë ngjarje.

“Deri në këto momente të hetimit që po kryhet nga Prokuroria pranë Gjykatës së Shkallës Parë Tiranë nuk rezulton të jenë identifkuar autorë të veprës penale dhe si rrjedhim nuk është arritur të provohet se autorë mund të jenë subjekte të posaçëm.” thuhet në letrën e Altin Dumanit drejtuar familjarëve të viktimave duke sugjeruar:

“Për këtë arsye, referuar nenit 75/a, 76 dhe 28 te K.Pr.Penale ju përcjellim për kompetencë lëndore materialin kallëzues me nr. K.137 prot., date 16.02.2023, me qëllim vlerësimi nga ana juaj.

Nëse në vijim të verifikimeve apo hetimeve, do të konstatohet ekzistenca e ndonjë vepre penale apo subjekt në kompetencë hetimi sipas nenit 75/a të Kodit të Procedurës Penale, atëherë aktet e procedimit penal të dërgohen për kompetencë lëndore në Prokurorinë e Posaçme Kundër Korrupsionit dhe Krimit të Organizuar, referuar dhe nenit 28 të Kodit të Procedurës Penale.”

Ndryshe, pas kësaj përgjigje nuk dihet se sa ka vlerë përgjigja edhe për Ministrin e Drejtësisë që vjedhë vota, gjithsesi me këtë nivel të drejtësisë, fatkeqësisht ngjarja e “21 janarit” do të vazhdoj të keqpërdoret nga politika komuniste!