21 vjetori/ Masakra e Reçakut, Quinti mesazh për Kosovën dhe Serbinë

Në 21 vjetorin e Masakrës së Reçakut, Ambasadorët e SHBA, Gjermanisë, Italisë, Mbretërisë së Bashkuar dhe Francës, që ndryshe njihen si vendet e Quintit, përmes një deklarate të përbashkët theksojnë se Qeveritë e Kosovës dhe Serbisë duhet të sigurojnë që viktimat dhe familjet e tyre të kenë akses të plotë në drejtësi, dhe të informojnë për fatin e të dashurve të tyre.

Njëzet e një vjet më parë, masakra që ndodhi në Reçak bëri përfundimisht aleatët e NATO-s të ndërhyjnë dhe t’i japin fund një katastrofe humanitare, thekson deklarat dhe sot:

“Qëllimi ynë i përbashkët është ta mbështesim vazhdimisht Kosovën në këtë rrugë.”

Ndryshe, Masakra e Reçakut ishte vrasja masive e 45 shqiptarëve nga Kosova që ndodhi në fshatin Reçak, në 15 janar 1999. Masakra u organizua dhe u krye nga forcat policore, ushtarake dhe paraushtarake serbe. Serbia refuzoi dse është kryer masakër, me asryetimin se shqiptarët e vrarë ishin antarë të Ushtrisë Çlirimtare të Kosovës, por misioni i OSBE-së i kryesuar nga Ambasadori Walker, i cili vëzhgoi rastin dhe inspektoi vendin e ngjarjes pas sulmit të forcave serbe, konstatoi se kemi të bëjmë me vrasje masive të popullsisë civile.

DEKLARATA: 

Deklaratë nga Ambasadorët e SHBA, Gjermanisë, Italisë, Mbretërisë së Bashkuar dhe Francës,

Njëzet e një vjet më parë, masakra që ndodhi në Recak bëri përfundimisht aleatët e NATO-s të ndërhyjnë dhe t ‘ i japin fund një katastrofe humanitare.

Ne nderojmë kujtimin e atyre që humbën në Recak dhe të gjitha masakrat e tjera në Kosovë dy dekada më parë duke punuar së bashku për të ndërtuar një të ardhme paqeje, drejtësisë dhe begati për gjeneratat e ardhshëm.

Qeveritë e Kosovës dhe Serbisë duhet të sigurojnë që viktimat dhe familjet e tyre të kenë akses të plotë në drejtësi, dhe të informojnë për fatin e të dashurve të tyre.

Qytetarët e të gjitha etnive duhet të ndjehen në shtëpi dhe të lirë të jetojnë e të punojnë në paqe me fqinjët e tyre. Siç thotë Deklarata e Pavarësisë së këtij vendi, Kosova është një vend ” i angazhuar për t ‘ u përballur me trashëgiminë e dhimbshme të së kaluarës së fundit në një shpirt pajtimi dhe faljes. Dedikuar mbrojtjes, promovimit dhe nderit diversitetin e popullit tone.”

Qëllimi ynë i përbashkët është ta mbështesim vazhdimisht Kosovën në këtë rrugë.