22 vjeçari mbytet në Gjirin e Lalzit, detajet nga ngjarja e rëndë

Një 22 vjeçar humbi jetën sot në mesditë, pasi u mbyt tek Gjiri i Lalzit. Burime policore bënë të ditur se viktima është shtetasi E. S. 22 vjeç, banues në Tiranë.

Alarmi për mbytjen e të riut u dha nga pushues. Mësohet se 22 vjeçari kishte shkuar me një grup shokësh në plazh.

Megjithëse i është dhënë ndihma e parë, i riu nuk ka mundur të shpëtojë.

“Grupi hetimor po punon për zbardhjen e plotë të shkaqeve të ngjarjes”, njoftoi Policia.

Fatkeqësisht 22 vjeçari është viktima e parë e sezonit të ri veror.