24 orë para zgjedhjeve, apeli Celibashit: Ndal shit-blerjes së votës! Nesër pa celular…

Sot kur heshtja zgjedhore është në fuqi dhe kanë mbetur më pak se 24 orë nga hapja e procesit zgjedhor të 25 Prillit, Kryetari i Komisionit Qendror të Zgjedhjeve, Ilirjan Celibashi, kishte një apel për ata që kanë menduar ta shesin ose blejnë votën ndërsa e bëri të qartë se nesër në qendrat e votimit nuk lejohet celulari.

“Ka pasur thirrje të herë pas hershme nga KQZ dhe faktori ndërkombëtar, por edhe faktorë të tjerë politikë për t’i thënë ndal fenomenit të shit-blerjes së votës. Ne nuk kemi mundësi që kjo problematikë qëndron, por si ai që e shet dhe ai që e blen votën është në pozitën që nesër, pasnesër, do të provohet do të ketë sanksione të rënda. Shpresoj që kjo të dëgjohet sepse më shumë se kaq KQZ s’ka ç’të bëjë këtë problematikë. Këto fenomene edhe pse ekzistojnë nuk janë në masën që të vendosin në dyshim integritetin e procesit zgjedhor.

Ndërkohë celulari i cili ka shërbyer për ti konfirmuar blerësit, shitjen e votës, nuk do të lejohet në qendrën e votimit.

“Pajisja e identifikimin elektronik është shpërndarë thuajse në të gjitha qendrat e votimit. Në 100 zonat rurale që ende nuk janë impelemtuar, nuk janë operatorët e nevojshëm. Nga verifikimet e fundit janë të mesnatës së djeshme dhe ditës së sotme. Nuk ka qendra të votimi që mungon energjia elektrike nga informacionet që kemi. Kemi pasur komunikim edhe me qeverinë, për të administruar këtë shqetësim të KQZ.

Nuk është se Komisioni i Qendrës së votimit do të kontrollojë votuesit. Ajo që duhet të qartësoj është që një votues të futet në qendrën e votimit me telefon. Askush s’do e kontrollojë atë, kjo është e ndaluar. Nëse ne nuk të shohim me telefon celular në dorë, supozohet që s’e ke celularin. Çdo gjest që tregon se je në posedim të një telefoni celular, kjo do të përbëjë një tentativë për të fotografuar votën. Cdo gjë tjetër është në koston e votuesit”, përfundoi Celibashi.