25 Prilli, Edi Rama: Në orën 18:00, në Sheshin Skënderbej, përqafimi fitores
Mëngjesin e sotëm Kryetari i Partisë Socialiste, Edi Rama e filloi i buzëqeshur me 73 mandatet e fituara në zgjedhjet e 25 Prillit ndonëse u qortua nga misioni i OSBE/ODIHR, duke ftuar të gjithë ata që duan ti bashkohen në përqafimin e fitores sot në orën 18:00 në Sheshin Skënderbej.
Dhe, sa është i shqetësuar Edi Rama nga raporti i OSBE/ODIHR që konstaton shit-blerjen e votave, kërcënimet dhe presionet ndaj nëpunësve, flet dhe fakti se në këtë ftesë, në skuadrën e fitores ai ka përfshirë edhe kriminelë e të dhënave personale që, në gjuhën e një partie si PS, quhen patronazhistë!
“Në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores!”
Ndërkohë që buzëqeshja e shefit të patronazhistëve tashmë do të bëhet edhe pjesë e Sigurimit të Shtetit që kaliti dhe trajnoi patronazhistët për ditën e 25 Prillit, merita që u njohën nga drejtuesit e PS, Partia Socialiste u rrit në 74 mandate dhe votimi ashtu si dhe shpallja e fletave të pavlefshme të votimit vazhdon.
