25 vjet nga masakra në Likoshan e Qirez

Fillimi i luftës në Kosovë shënon sot 25-vjetorin. Çdo gjë nisi në fshatrat Likoshan e Qirez të Drenicës, ku edhe u shënuan sulmet e para të ushtrisë serbe.

Më 28 shkurt 1998 u zhvillua beteja në mes të Ushtrisë Çlirimtare të Kosovës dhe forcave serbe. Të vrarë mbetën disa policë serbë, dhe në shenjë hakmarjje, forcat serbe rrethuan të dy fshatrat dhe ekzekutuan 24 civilë.

Kjo masakër njihet si e para ndaj civilëve shqiptarë nga forcat serbe në Kosovë.

Një ndër masakrat që tronditi botën e civilizuar dhe tmerroi botën ishte maskara në familjen Ahmeti.

Nga 28 shkurti 1998 deri në qershorin e vitit 1999, njësitë kriminale serbe vranë rreth 15.000 shqiptarë, 2.400 prej tyre pjesëtarë të UÇK-së, përdhunuan rreth 20 mijë femra, artileria e rendë serbe ka shkatërruar dhe djegur rreth 1.100 vendbanime shqiptare, kanë plaçkitur, djegur e shkatërruar mbi 200.000 shtëpi, banesa, lokale afariste, punëtori zejtare, fabrika, shkolla, biblioteka, monumente kulturore-historike, objekte kulturore, shkencore, fetare etj. ndërsa 800.000 mijë shqiptarë u dëbuan nga vatrat e tyre.