258 kg drogë drejt Malit të Zi, arrestohen tre persona

258 kg drogë shqiptare, trafikantë malazez, dhe 3 të arrestuar është bilanci i aksionit të policisë së vendit Malit të Zi, dhe pas hetimit të kryer në pranga kanë përfunduar vetëm të tre shtetasit nga Podgorica, që dyshohet se kanë trafikuar lëndë narkotike kanabis sativa nga Shqipëria drejtë Malit të Zi.

Atyre u është sekuestruar në cilësinë e provës materjale e ndarë në katër thasë me një peshë prej 258 kg e dyshuar si kanabis sativa.

“Në vendin e quajtur Sharove Topole në territor të Komunës së Tuzit janë sekuestruar katër thasë me 258 kg lëndë narkotike e dyshuar si kanabis sativa, të cilat u gjeten një një furgon, e cila pasi është kaluar me anë të mjeteve lundruese përmes Liqenit të Shkodrës, nga Shqipëria drejtë Malit të Zi, me qëllim shpërndarjen e saj në territorin e vendin fqinj,” thekson Policia Kufitare e Malit të Zi ndërsa bëhet e ditur se janë arrestuar tre shtetasit malazez:

“Srgjan Singjeliç 37 vjeç, Savo Vukçeviç 24 vjeç dhe Ratko Shushkavçeviç 26 vjeç të gjithë lindur dhe banues në Podgoricë. Nga hetimi i deri tanishëm rezulton se lënda narkotike është trafikuar nga Shqipëria drejtë Malit të Zi përmes Liqenit të Shkodrës.”

Policia malazeze thekson se gjatë dy muajve të fundi ka sekuestyruar sasi të mëdha të kanabist e cila dyshohet se është trafikuar nga Shqipëria, duke shtuar se në bashkëpunim me homologët shqiptar po punohet në identifikimin e rrjetit të trafikantëve, ndërsa mësohet se ky trafik është kthyer në një problem për Malin e Zi, pasi është zgjeruar harta e kalimit të drogës duke filluar nga grykëderdhja e lumit Buna deri në Vermosh, në skajin më verior të vendit.