26 vjet nga largimi i forcave kriminale serbe nga Kosova
Sot bëhen 26 vjet nga largimi i forcave kriminale ushtarake e paramilitare serbe nga Kosova, por që më vonë u konfirmua se ishte një tërheqje pas një kapitullimi për të shpëtuar aq sa mund të shpëtohej nga makineria e përgjashkme. Gjithsesi, 11 Qershori 1999, ishte dita e fundit e pushtimit serb mbi Kosovën!
Ushtria serbe ishte dorëzuar përballë luftës me Ushtrinë Çlirimtare dhe bombardimeve të NATO-së që e kishin detyruar të nënshkruajë marrëveshjen më 9 qershor të vitit 1999 në Kumanovë.
Marrëveshja ishte nënshkruar nga Michael Jackson, komandanti i parë i KFOR-it në Kosovë dhe ish-shefi i Shtabit të Ushtrisë së Serbisë, gjeneral Nebojsha Pavkoviç, i akuzuari i Hagës për krime lufte në Kosovë.
Sulmet, që vazhduan për 78 ditë, u ndaluan më 10 qershor, pasi Komandanti i atëhershëm Suprem i NATO-së, gjenerali Wesley Clark i raportoi Këshillit të Atlantikut Verior se sulmet ajrore kishin detyruar ushtrinë dhe paramilitarët serb të fillonte tërheqjen e plotë nga Kosova.
Me hyrjen e NATO-s, në Kosovë nisi dhe vendosja e misionit të përkohshëm të Organizatës së Kombeve të Bashkuara-UNMIK, i cili do të administronte vendin deri në shpalljen e Pavarësisë, më 17 shkurt 2008.
