26 zjarre në 24 orë, PD: Durrësi digjet, Shteti i propagandës dorëzohet përpara rrezikut

Në Durrës, 26 varta zjarri në 24 orë nuk janë vetëm një bilanc alarmant ku qytetarët janë braktisur, vlerëson Partia Demokratike, por shteti i propagandës është dorëzuar përpara rrezikut

“26 vatra zjarri në 24 orë, më i rëndi dhe i dëmshmi prej të cilëve zjarri shkrumbues në tregun industrial të Durrësit, janë jo vetëm një bilanc alarmant, por edhe shenjë e dorëzimit të strukturave të emergjencës dhe sigurisë para rreziqeve qofshin ato natyrore, aksidentale apo njerëzore,” shprehet Partia Demokratike përmes një deklarate duke konstatuar se në partinë-shtet strukturat dhe institucionet përkujdesen, jo për sigurinë dhe jetën e qytetarëve dhe ruajtjen e territorit, por për farsën dhe propogandën partiake ndërsa përfundon:

“Partia Demokratike u shpreh keqardhjen për dëmet e shkaktuara tregtarëve durrsakë dhe njëkohësisht revoltën, jo vetëm me reagimin, por sidomos me mosmarrjen e masave të duhura teknike, që do të kishin shmangur rrezikun, që dëmtoi mallrat dhe kursimet, por kërcënoi edhe jetën, sigurinë dhe qetësinë e durrsakëve dhe turistëve vendas apo të huaj në mes të sezonit veror.”

Deklaratë:

26 vatra zjarri në 24 orë, më i rëndi dhe i dëmshmi prej të cilëve zjarri shkrumbues në tregun industrial të Durrësit, janë jo vetëm një bilanc alarmant, por edhe shenjë e dorëzimit të strukturave të emergjencës dhe sigurisë para rreziqeve qofshin ato natyrore, aksidentale apo njerëzore.

Kjo dëshmon edhe njëherë atë që ne theksojmë vazhdimisht: në partinë-shtet strukturat dhe institucionet përkujdesen, jo për sigurinë dhe jetën e qytetarëve dhe ruajtjen e territorit, por për farsën dhe propogandën partiake.

Djegia, jo vetëm e e vendit të punës, por edhe e kursimeve dhe xhiros, së qindra tregtarëve të vegjël durraskë në pak orë, përballë vonesave, mungesës së reagimit dhe gatishmërisë së strukturave shtetërore, tregon se qytetari është i braktisur në mëshirë të fatit.

Partia Demokratike u shpreh keqardhjen për dëmet e shkaktuara tregtarëve durrsakë dhe njëkohësisht revoltën, jo vetëm me reagimin, por sidomos me mosmarrjen e masave të duhura teknike, që do të kishin shmangur rrezikun, që dëmtoi mallrat dhe kursimet, por kërcënoi edhe jetën, sigurinë dhe qetësinë e durrsakëve dhe turistëve vendas apo të huaj në mes të sezonit veror.