260 mln euro për 30 km/ Reagimi, Rama: Nuk flasim për terital…

Kryeministri Edi Rama kishte një oreks të jashtëzakonshëm për të rrëfyer përalla sot pas Progres Raportit të PE, dhe kështu ndodhi edhe me përpjekjen për t’iu përgjigjur akuzave të bëra lidhur me shifrën rekord të dhënë për dy rrugë 30 km, me një shumë prej 260 milionë euro.

Edi Rama arsyetoi këtë shifër duke sqaruar se rrugët janë të standardit A, me vepra brenda dhe me 13 vjet kostoje mirëmbajtje në kontratë.

“Është e paimagjinueshme që km e rrugëve të trajtohen si metra teritali, shet e blen terital dhe ndryshon çmimi sipas madhësisë së kostumit, por për km rrugë duhet të shohin cfarë ka në ato km. Nuk i bihet shkurt e të thuash si ka mundësi për 17 km rrugë kaq shumë para. Dhe ja si ka mundësi, së pari njëherë ne e kemi thënë: sapo të mbyllim rrugët e lëna rrugëve do bëjnë rrugë të standardeve evropiane, të dyja rrugët që do të ndërtohen janë standardi A. Rrugë të tillë kemi vetëm një pjesë të rrugës së Kombit,” tha Kryeministri të cilën e ka akuzuar më shumë se sa ka folur në Parlamentin e Shqipërisë, për të vazhduar me detajete rrugës Milot-Ballren me zellin siç e mbronte projektin korruptiv te Unaza e Re:

“Rruga Milot-Balldren ka dy tunele, dy ura, atë mbi Drin me 224 metra hapësirë drite dhe mbi Mat me 624 metra mbi hapësirë drite, 6 nyje mbikalime dhe nënkalime, dhe duke qenë rrugë e standardit A do të jenë një rrugë ku nuk do të bashkëjetojnë automjetet me bagetitë dhe ku nuk do të lejohet transformimi i rrugës në korridor mes pishinash, magazinash, trampolinash, varreza makinash e me radhë.

Në atë shumë ka 13 vjet mirëmbajtje, rruga e Kombit kushtoi mbi 1 miliardë dhe nuk ka mbaruar akoma, kërkon para, së dyti nuk përmbush standardin A në gjithë gjatësinë e vet dhe së treti nuk është se garanton atë që ne u detyruam ta bëjmë me vendosjen e pagesës, mirëmbajtjen, ndërsa në këto kontrata kemi mirëmbajtjen për 13 vjet. Çdo gjë është në përgjegjësinë e kompanive.”

Fatmirësisht askush nuk po e dëgjonte përveç Taulant Ballës sepse në fund e tha edhe këtë, thuase po blen terital:

“E fundit, janë kompanitë që investojnë kapitalin e tyre dhe shteti paguan vit pas viti, nuk janë para që jepen menjëherë!”