29 nëntori, ditë e zezë/ Kërkojnë linçimin e Voltana Ademit, Edi Rama i bashkohet kriminelëve të Shkodrës
“Për Shkodrën, 29 Nëntori është një ditë e zezë, mjafton që ti referoheni historianëve, unë nuk jam historiane por me atë çfarë bëjmë, përpiqemi ti referohemi asaj çfarë historianët shkruajnë, dhe kanë përcaktuar në historinë e Shqipërisë. Pavarësisht se kjo pastaj nuk është referuar në librat dhe do të duhet pastaj që të referohen.”
Kundër këtij realiteti të cilin e shprehu publikisht kryetarja e bashkisë së Shkodrës, Voltana Ademi, fillimisht reagoi kryetari i Partisë Komuniste së Shkodrës, Gjon Bruçaj pas përfundimit të fjalës së prefektit të qarkut Shkodër, Çesk Millja në takimin me ata që quhen veteranë të Lëvizjes Antifashiste Nacional-Çlirimtare në Shkodër, i cili duke iu drejtuar Milljas i kërkoi shpjegime se përse lejohet që kryetarja e Bashkisë Shkodër te injorojë 29 nëntorin 1944 që përkon me festën e Çlirimit duke e cilësuar si një ditë të zezë.
“Ju jeni përfaqësues i qeverisë bashkë me Kryeministrin, pse lejoni kryetaren e bashkisë së Shkodrës të mohojë 29 Nëntorin. Pse nuk merr masa bashkë me kryeministrin. Të vinte parullën e 29 Nëntorit, të mos rrijë kot,” tha Brucaj, teksa iu ndërpre fjala.
Prefekti Millja vazhdoi duke mos kthyer një përgjigje konkrete, por vazhduan së bashku me Zv/kryeministen Senida Mesi të bëjnë homazhe dhe të vendosin buqeta me lule si dhe mbishkrimin PKSH në varrezat e dëshmorëve të qytetit.
Atë që nuk e bëri Prefekti i Shkodrës, Çesk Millja në Shkodër e bëri kryeministri Edi Rama në Tiranë, i cili me laps në dorë po i bënë ekon deklaratave të opozitarëve. Dhe, pas lapsuseseve të evidencës së Edi Ramës, të Bashës dhe Baçit, vjen edhe ky i Voltanës kur kryeministri bënë sikur reagon, edhe pse vjen si domosdoshmëri pas llogaridhënies që kërkuan komunistët e Shkodrës:
“Mirë lajthitën, po pse të tërë menjëherë vallë?”
Pse nuk e futi në këtë storie Ilir Metën, i cili mbrëmë gjatë fjalimit tij në Pallatin e Brigadave fillimisht tha 22 e më pas 28 Nëntor, mos pyetni, brenda koalicionit nuk funksionon skaneri i Edi Ramës…
