29-vjetori i Shoqatës Çamëria, Shpëtim Idrizi: Do ta çojmë në vend amanetin, kthimin në Çamëri!

Kanë kaluar 107 vjet që kur Shqipëria u aneksua nga Greqia, kanë kaluar 29 vjet nga krijimi i Shoqatës Patriotike Çamëria, amanetin se tret as dheu, tha kryetari i PDIU, Shpëtim Idrizi, në këtë përvjetor të shoqatës duke shtuar se kjo është dhe arsyeja pse neve nuk na tret as koha, për të çuar deri në fund amanetin e të parëve, kthimin në Çamëri.

“Do të çojmë në vend amanetin, kthimin në Çamëri. Ne do të kthejmë dinjitetin, për mijëra të dëbuar nga bandat e Napolon Zervës. Nuk mund të harrohet sakrifica e të gjitha figurave të shquara të Çamërisë, që kanë dhënë edhe jetën për vendin e tyre. Këtyre burrave dhe grave iu bashkuan shumë vetë, duke krijuar Shoqatën e Çamërisë. Duhet vendosur drejtësi për të dëbuarit. Dënimi i krimeve kundër njerëzimit vetëm vendos drejtësi. Tragjedia e çamëve mbetet ende e pazbuluar.”

Me këtë rast Shpëtim Idrizi kujtoi përpjekjet e deputetëve të PDIU që me mazhorancën aktuale të ngritë një Komision në parlament për dënimin e krimeve në Çamëri, por këtë nuk e donte kryeministri.

“Deputetët e PDIU, në bashkëpunim me mazhorancën rilindase ngritën një Komision, për të dënuar krimet që janë bërë mbi çamët në Çamëri. Por nuk kishte vullnet dhe kryeministri më tha që nuk e bëjmë dot. Çamëria do të hiqej edhe nga programi i qeverisë shqiptare. Deputetët çamë u rrahën dhe u gjakosën në duart e parlamentit të Shqipërisë,” tha kryetari i PDIU, Shpëtim Idrizi, duke përfunduar:

“Ne i kërkojmë palës shqiptare zbatimin e rezolutës, idiotët e palës greke na përgjigjen se Çështja Çame është njëlloj me çështjen e Vorio Epirit. Greqia ndërkohë në qytetet e saj ngre përmendoren e turpit të Napoleon Zervas.”