3 të shëruar, për 24 orë 13 raste të reja me koronavirus në Shqipëri
Nga testimi i 33 personave brenda 24 orëve janë dhe 13 raste të reja duke e çuar në 89 numrin e të prekurve me koronavirus në Shqipëri. Kështu ka bërë të ditur sot Ministria e Shëndetësisë duke përditësuar të dhënat ndërsa thekson se tre pacientë të prekur nga COVID -19 kanë lënë nga Spitali i Infektivit, pasi janë vlerësuar si shëruar nga COVID-19. Ndërkohë që 8 raste te reja prit t’i shtohen Spitalit Karantinë.
“Deri në këto momente janë testuar 804 raste të dyshuara dhe prej tyre janë të konfirmuar pozitivë me COVID-19, 89 raste,” tha Drejtoresha e ISHP-së, Albana Fico duke shtuar numri i të shtruarve në Spitalin Infektiv ka shkuar në 43 ndërsa janë tri rastet e para që janë shënuar në qytetin e Korçës.
Nga totali i rasteve të konfirmuara, 58% janë meshkuj dhe 42% janë femra. Mosha mesatare e totalit të rasteve pozitive është 48 vjeç.
Ndërsa shpërndarja gjeografike e rasteve pozitive, është si vijon:
- Tiranë 63 qytetarë
- Durrës 6 qytetarë
- Lushnje 2 qytetarë
- Elbasan 2 qytetarë
- Fier 8 qytetarë
- Rrogozhinë 2 qytetarë
- Kavajë 3 qytetarë
- Korçë 3 qytetarë
Janë shënuar deri tani dy raste humbje jete”, theksoi Albana Fico.
Më tej mësohet se katër nga të prekurit janë në terapi intensve.
Ndërsa është rritur numri i pacientëve të shtruar në spitalin Infektiv, ku ndodhen aktualisht 43 pacientë. 4 prej tyre janë në terapi intensive, në situatë të njëjtë klinike. Ndërsa pjesa tjetër e të shtruarve në pavion janë në gjendje të stabilizuar deri në këto momente. Mosha mesatare e rasteve të hospitalizuara është 54 vjeç.
