30 Korrik, Ditë me temperaturë të lartë politike në Shqipëri
Pas shumë të papriturave politike nën kryesimin e Edi Ramës si në Devoll ashtu dhe Fier, pasojat e zgjedhjeve të paligjshme të 30 Qershorit vazhdojnë të shkaktojnë tensione politike edhe në ditët në vijim.
Për dallim nga fillimjava, 30 Korriku pritet të rezervoj një tension shtesë si në raport me konstituimin e këshillave të ri bashkiak ashtu edhe raportet në relacionin Presidencë-Kryeministër.
Sot në orën 10:00, kur është parashikuar të mbahet dhe mbledhja e konstituimit të Këshillit të Ri të Bashkisë Kavajë dalë nga zgjedhjet e 30 Qershorit dhe marrja e mandatit të Kryetarit të kësaj bashkie nga socialisti Redjan Krali, Partia Demokratike organizon protestadhe pritet të bllokoj procesin ilegjitim të farsës së votimeve të 30 Qershorit.
“ASNJE HAP PAS!
Te nderuar qytetar dhe qytetare te Kavajes!
Diten e neserme ne oren 09:30 ju ftojme te gjitheve perballe Bashkise se qytetit te protestojme dhe te bllokojme proçesin ilegiitim te farses se votimeve te 30 Qershorit!
Te gjithe se bashku ne zbatim te dekretit te Presidentit te Republikes ti themi ndal instalimit te diktatures ne vendin tone.
BASHKIA ESHTE E QYTETAREVE,” thekson në njoftimin e saj Partia Demokratike.
Por vetëm një orë pas këtij zhvillimi në bastionin e Partisë Demokratike, në Tiranë Kryeministri Edi Rama ka paralajmëruar një bashkëbisedim me gazetarët.
Duke pasur parasysh spektaklet e kësaj natyre që organizon Kryeministri, zhvillimet me Teatrin Kombëtar, konstituimi i Këshillave Bashkiak dhe Kryetarët e ri të dalë nga zgjedhjet e paligjshme të 30 Qershorit, do të jenë shënejstra e artilerisë së rëndë të Kryeministrit e cila do të filloi granatimin e gjithçkaje që është kundër politikës së Edi Ramës, në orën 11:00.
Por, pas këtij paralajmërimi, i qetë nuk mund të ishte Presidenti i Republikës. Sapo u konfirmua dalja publike e Kryeministrit, Zyra e lir Metës ka bërë të ditur se Presidenti do të ketë një dalje publike në orën 12:00.
Nuk dihet ende se cili është qëllimi i daljes publike të Presidentit, gjithsesi pas përplasjes që pritet të ndodhë në Kavajë, akuzave që do të lëshoj Edi Rama në drejtim të Ilir Metës dhe Lulzim Bashës, vetëm tërmeti apokaliptik nuk mund të zë vend në këtë dalje publike.
Ndryshe, do të ishte një tallje e rëndë me Presidencën, në kohën kur Ilir Meta mbronë Dekretin që anulon datën e zgjedhjeve 30 Qershor, kërkon anulimin e shembjes së Teatrit Kombëtar nga Gjykata Kushtetuese, dhe pret nga Edi Rama që të marrë masa pasi sizmiologu grek, Akis Tselentis, parashikon një tërmet në Shqipëri 30 herë më të fortë se ai në Atika, ose tërmetin më shkatërrimtar në historinë botërore.
Që Presidenti mund të besoj në goditjen e Shqipërisë nga një termet apokaliptik, këtë nuk mund t’ia ndaloj si Kushtetuta ashtu dhe Edi Rama, por Ilir Meta së bashku me mediat e tij injorante duhet ta kursejnë opinionin publik, dhe nuk ka arsye të vihet edhe vetë në siklet as me Teatër, as me zgjedhje, dhe as me integrimine Shqipërisë në Bashkimin Evropian nëse vërtetë e beson një broçkullë të tillë kur dihet që tërmetet nuk parashikohen nga sizmiologët.
