30 Qershori/ Dhuna alarmon Ambasadën e SHBA, qytetarët amerikanë i këshillon…

Nga 30 Qershori ndajnë vetëm edhe tri ditë por duke pasur parasysh incidentet e kohëve të fundit, shoqëruar me dhunë, Ambasada e SHBA në Tiranë këshillon qytetarët amerikanë që me 30 Qershor 2019 të jenë vigjilentë rreth qendrave të votimit, qendrave të numërimit dhe zyrave zgjedhore dhe të shmangin çdo zonë që ka shenja të dhunës.

“Shqipëria do të mbajë zgjedhje në çdo bashki me 30 qershor 2019. Zgjedhjet në Shqipëri janë planifikuar të zhvillohen nga ora 07:00 deri në orën 19:00. Zgjedhjet do të mbahen në çdo bashki të vendit.

Numërimi do të behet në qendrat e numërimit dhe mund të zgjasë deri në disa ditë. Incident e kohëve të fundit, shoqëruar me dhunë, kanë vënë në shënjestër zyrtarët e zgjedhur dhe materialet e votimit duke rritur perspektivën e dhunës ose shqetësimeve të tjera në ditën e zgjedhjeve, dhe ditët që pasojën për numërimin në qendrat e numërimit.

Jini vigjilentë rreth qendrave të votimit, qendrave të numërimit dhe zyrave zgjedhore. Shmangni çdo zonë që ka shenja të dhunës. Monitoroni mediat lokale për të qenë të përditësuar me zhvillimet”.