“30 Qershori”/ Edi Rama në delir, shpallë fitoren në Prrenjas!

Kryeministri Edi Rama sot nga Rrajca para ambasadorëve të BE dhe Gjermanisë, duke përshëndetur kryetaren e Bashkisë së Prrenjasit si e zgjedhura e LSI, e cila u bë nën pak ditë më parë dhe mungonte në aktivitet, i ka bërë të qartë se pas 30 qershorit ajo nuk do të jetë më kryetare e Bashkisë dhe e ka ngushëlluar se mund të fokusohet tek bebja e saj:    

“I keqardhur për mungesën e kreut të bashkisë. I uroj dhe 100 bebes së sapolindur të Mirandës dhe kam besim dhe bindje që do t’i krijojmë të gjitha mundësitë Mirandës që të fokusohet tek bebja pas 30 qershorit!” Pas këtij deliri elektoral, thuajse po flet për Bashkinë e New Yorkut dhe jo Prrenjasit, si dhe heshtjes së ambasadorëve, madje edhe asaj gjermane që është femër dhe mund të bëjë dallimin e kryeministrit delirant me një femër e cila edhe pse është kryetare e bashkisë i takon pushimi i lindjes, Edi Rama u kujtua se në Rrajcë kishte ardhur për projektin i cili do të mundësoj furnizimin me ujë të zonës:

“Nga sot do të kenë 24 orë ujë të pijshëm me presion dhe në të gjitha kushtet dhe standardet gjermane. Kjo nuk do të thotë që pas një viti do të jemi të dytët pas Gjermanisë për furnizimin por do të thotë se më në fund një problem kaq i madh për të gjithë ju, zgjidhet dhe merr drejtim. Në këtë kontekst ia vlen të thuhet diçka më shumë. Është e rëndësishme jo vetëm të vazhdojmë të investojmë por të thellojmë rezultatet e reformës së ujit. Ka përmirësim,” tha kryeministri Edi Rama që tashmë ka bërë kapërcimin e ylberit, dhe flet si Lali Eri; Mjaft e ka kopjuar Mjafti kryetarin e Bashkisë së Tiranës dhe gjithë Shqipërisë, që nga themelimi e deri në shpalljen e kandidatit për Bashkinë e Tiranës në zgjedhjet e 30 Qershorit 2019, Erjon Edvin Veliaj!