30 Qershori/ SHBA-BE nuk ndërhyjnë në krizën politike; Në zgjedhje, PO!

Në kulmin e krizës politike, kur nga 30 Qershori na ndajnë vetëm 72 orë, SHBA dhe BE ndonëse ishin shprehur se nuk ndërhyrjnë në përplasjet politike duk ei konsideruar çështje të brendshme, tashmë kanë vendosur të ndërhyjnë në një çështje plotësisht të brendshme dhe pika kyçe që ndanë palët politike në Shqipëri: zgjedhjet vendore!

Sot, kur 30 Qershori me Dekretin e Presidentit të botuar në Fletoren Zyrtare nuk është datë e zgjedhjeve, janë Ambasadat e SHBA dhe vendeve të BE të akredituara në Tiranë kërkojnë nga Komisioni Qendror i Zgjedhjeve, të miratojë akreditimin e vëzhguesve së bashku me përkthyesit për monitorimin e procesit zgjedhor me datën 30 Qershor, ndonëse Këshilli i Europës ka vendosur që të mos dërgoj vëzhgues pikërisht për shkak të pasigurisë së vazhdueshme në lidhje me organizimin e zgjedhjeve lokale në Shqipëri më 30 qershor dhe për për shkak të rreziqeve të mundshme për sigurinë në disa zona të caktuara.

Kështu, dhënia e këtyre akreditemeve është pjesë e rendit të ditës së mbledhjes së Komisionit Qendror te Zgjedhjeve, i cili vijon punën edhe pse Dekreti i Presidentit I botuar në Fletoren Zyrtare e ka nauluar datën e zgjedhjeve 30 Qershor.

Njoftimi i KQZ:

Bazuar në nenin 22, pika 2, e Kodit Zgjedhor, nenin 12 të Rregullores “Për organizimin dhe funksionimin e Komisionit Qendror të Zgjedhjeve”, Zëvëndëskryetari z. Denar Biba, Anëtarët, z. Bledar Skënderi, znj. Edlira Jorgaqi, znj. Rezarta Bitri, kane thirrur më datë 27.06.2019, Ora 10:00, me rend dite:

1. “Për ndryshimin e vendodhjes së VNV nr.42, Bashkia Kavajë, dhe VNV nr.9 Bashkia Tropojë, për zgjedhjet për organet e qeverisjes vendore të datës 30 qershor 2019”.

2. “Për miratimin e stafit të Radio Televizionit Austriak “ORF”, për vëzhgimin e zgjedhjeve për organet e qeverisjes vendore të datës 30 qershor 2019.

3. “Për miratimin e vëzhguesve afatshkurtër dhe përkthyesve të Ambasadës Britanike, për vëzhgimin e zgjedhjeve për organet e qeverisjes vendore të datës 30 qershor 2019.

4. “Për miratimin e gazetarëve dhe operatorëve të medias Bold Neës, për vëzhgimin e zgjedhjeve për organet e qeverisjes vendore të datës 30 qershor 2019.

5. “Për miratimin e gazetarëve dhe operatorëve të televizionit Al Jazeera, për vëzhgimin e zgjedhjeve për organet e qeverisjes vendore të datës 30 qershor 2019.

6. “Për miratimin e vëzhguesve afatshkurtër dhe përkthyesve të Ambasadës Italiane, për vëzhgimin e zgjedhjeve për organet e qeverisjes vendore të datës 30 qershor 2019.

7. “Për miratimin e vëzhguesve afatshkurtër dhe përkthyesve të Ambasadës Amerikane, për vëzhgimin e zgjedhjeve për organet e qeverisjes vendore të datës 30 qershor 2019.