30 Qershori/ Turpi i Ramës dhe Palmerit, kryetar bashkie me 9 % të votave!
Kryeministri Edi Rama mund të ketë bindur shefen e diplomacisë evropiane, Federica Mogherini ashtu si edhe Komisionerin për zgjerimin Johannes Hahn se në emër të moskrijimit të precedentit duhet të mbahen zgjedhjet vendore më 30 Qershor edhe pse kjo datë u anulua me Dekret të Presidentit dhe u publikua në Fletoren Zyrtare.
Edi Rama mund ti ketë përfituar zemrën edhe Zv/Nd.Sekretarit amerikan të Shtetit, Matthew Palmer i cili e mbrojti me devotshmëri datën e 30 Qershorit por çfarë prodhuan këto zgjedhje vendore!
Të dhënat e pjesëmarrjes në këto zgjedhje pa rival tregojnë se Kryeministri Edi Rama ndonëse e shpalli publikisht sfidën e tij të 30 Qershorit, Shkodrën, dështoi me sukses me sukses edhe pse ushtroi një terror të paparë policoro-ushtarak.
Ketrajtoi, arrestoi, përndjeki dhe paditi shkodranët, vjedhi dhe mbushi kutitë duke pasur një mbështetje pa rezervë të KQZ-së së Denar Bibës, dhe në fund sipas rezultateve të këtij të fundit arriti të shënoj një pjesëmarrje prej 9.67 %.
Në mes të ditës së 30 Qershorit shpalli edhe procedimin penal kundër Kryetares së Bashkisë Shkodër, Voltana Ademi por kjo nuk i shtoi vota as Edi Ramës dhe as mbështetësve të tij ndërkombëtar.
Edi Rama u krenua mbrëmë me rezultatin ku kandidati i PS në Shkodër nuk mund të marrë më shumë se sa pjesëmarrja, 15.913 vota ndërkohë Keti Bazhdari e PS në zgjedhjet e kaluara të vitit 2015 kishte 28.215 vota.
Relativizuan përgjimet e publikuara në “Bild” dhe kërcënimet e deputetit Pjerin Ndreu, kandidat i PS në Lezhë, por pjesëmarrja prej 8.93 %, nuk janë më “akuza serioze që duhet të hetohen” siç deklaroi në VOA, Matthew Palmer, por janë turpi i demokracisë që prodhoi këtë rezultat në Lezhë.
Në zgjedhjet e vitit 2015 pjesëmarrja ishte 49 %, dhe terrori që është ushtruar dhe lekët që janë dhënë nga socialistët nuk arritën ti sjellin fioren Viktor Tushajt duke marrë vetëm 17.286 vota, por arritën të thellojnë mosbesimin ndaj lezhjanëve që në përgjithëssi shënuan një pjesëmarrje prej 15.496 votues dhe ende vazhdojnë pazaret nëse do të dal fitues apo jo, turpi socialist Pjerin Ndreu.
Bashkia e Kamzës, ndonjëse ishte në shënjestër të Edi Ramës nga Vërmoshi në Konispol, nuk u thye me propagandë komuniste. 10/95 % është maksimumi që mundi të arrijë terrori policor, arrestimet, intimidimi, blerja dhe vjedhja e votës, vetëm e vetëm për të larguar Xhelal Mziun.
Dhe, në fund, punëtori më i madh i Edi Ramës dhe shembulli i Partisë Socialiste, Erion Veliaj. Rezultati i pjesëmarrjes tregon se është dështimi më i madh, dhe nëse kemi parasysh terrorin ndaj administratës, banorëve të pallateve, bizneseve dhe gjithçka që lidhet me kryeqytetin, pjesëmarrja prej 25.86 % ose 171.390 vota sipas Denar Bibës është turpi historik që nuk do të përsëritet.
Të kujtojmë se në vitin 2015 kur garonin 6 kandidatë, kishte një pjesëmarrje prej 305.440 votues ose 50%. Lali Eri nga kjo tortë elektorale arriti të marrë 160.235 vota ndërsa rivali i tij, 116.235.
Pas gjithë asaj pune që thotë se e ka bërë për dallim nga “Luli që flente gjumë”, si është e mundur të mos ketë shtuar as edhe një votë ndonëse terrorizoi dynjanë, i la pa gjumë buxhetorët duke i kërcënuar nëse nuk e votojnë për të ashtu si dhe bizneset, dhe sot mburret se ka fituar ashtu si edhe shefi i tij injorant Edi Rama.
Që Edi Rama nuk ka turp e konfirmoi edhe mbrëmë, por nëse është vlerë demokratike zgjedhja e një kryebashkiaku me 9 % të votave, atëherë qenka e lehtë fare në zgjedhje normale, si për Voltanën, Franin ose Xhelalin; Aq vota ata marrin në një lagje dhe s’kanë pse bëjnë fushatë!
