31-vjetori i grevës historike të minatorëve të Trepçës

Sot shënohet 31-vjetori i grevës historike të minatorëve të Trepçës, të cilët me 20 shkurt të vitit 1989, u ngujuan në minierë, në shenjë revolte ndaj regjimit serb të Sllobodan Millosheviçit.

1.300 minatorë të Trepçës hynë në këtë grevë për të mbrojtur autonominë e Kosovës, grevë e cila mori përmasa kombëtare dhe u shndërrua në rezistencë gjithë popullore demokratike e paqësore, kundër Serbisë dhe qëllimit të diktatorit serb Sllobodan Millosheviç për ta pushtuar Kosovën.