40 vjet pas vdekjes, nipi i Titos: Më tha, kam gabuar me Kushtetutën e vitit 1974!
Sot në 40 vjetorin e vdekjes së liderit karizmatik dhe kontravers për botën dhe vrasës i mirëfillt për rivalët e tij politik, nipi i Josip Broz Titos, Joshka, rrëfehet se si gjyshi i kishte thënë para vdekjes se kishte gabuar me ndryshimin e kushtetutës në vitin 1974
Për Agjencinë franceze të lajmeve AFP, 72 vjeçari Joshka i cili vazhdon të mburret edhe sot me emrin Jospi Broz, rrëfen mbi jetën e gjyshit të tij.
Para se të ndërronte jetë, Joshka Broz thotë për AFP, se Tito i kishte pranuar gabimin e jetës, që lejoi miratimin e Kushtetutës së vitit 1974.
Njeriu që themeloi Jugosllavinë, nuk ishte dëshmitar i shpërbërjes së përgjakshme, por e kishte kuptuar sa ishte gjallë, thotë Joshka, se me këtë kushtetutë u mbjellë fara e ndarjes.
“Nga një shtet, kemi krijuar tetë shtet të vogla dhe gjithçka u shkërmoq, ky është gabimi im më i madh,” rrëfen Joshka për AFP fjalët Titos, një pranim të cilin lideri i madh i asaj kohe nuk do ta pranonte në publik
Dhe deri sa edhe sot pas 40 vjetësh nga vdekja e tij, ka njerëz që e adhurojnë dhe e kërkojnë, kritikët flasin mbi arrestimet e shumë disidentëve politik, e për shqiptarët kjo është edhe një dëshmi se nga iniciatorët e ndryshimeve kushtetuese të vitit 1974, jo Tito por vetëm slloveni Eduard Kardel ishte ai i cili i dha të drejtat shqiptarëve dhe jo vetëm, ti gëzojnë aq sa arritën ti jetësojnë ndonëse Kushtetuta u lejonte, deri në shfaqjen e shqiptarëve si Isa Mustafa dhe Azem Vllasi, me të cilët Slobodan Milosheviçi i bëri nul.
Joshka Broz është njëri nga 6 nipërit e Titos i cili kishte rastin ta shoh edhe anën tjetër të medaljes së liderit jugosllav. Me motrën Zlatica Broz ka jetuar në pjesën elite të Beogradit, në Dedinje
“Ishte shumë i qetë, kishte dëshirë të hante peshkun dhe mishin e pulës, dy gatime që nuk arrinte ti shijonte në darkat zyrtare sepse i hante me gishta,” kujton ato ditë Joshka, i biri i Zharko Brozit, i cili kujton për AFP se vetë Tito i kishte mësuar që të mos e përdorin mbiemrin e familjes por të punojnë me ndershmëri, që për anëtarin e partisë aktuale neokomuniste kjo është normale ashtu si dhe dy punët që kishte bërë, polic dhe pronar restoranti.
Për herë të fundit e ka parë gjyshin pak para vdekjes në Lubjanë, tha Joshka për AFP
“Kam udhëtuar drejtë Beogradit dhe sapo kam mbërritur kam dëgjuar lajmin!”
Ndryshe , Sot mbushen 40 vjet nga vdekja e komunistit Josip Broz Tito.
Tito lindi në Kumrovec të Kroacisë, më 4 maj 1892. Si një komandant ushtarak austro-hungarez, mori pjesë në Luftën e Parë Botërore dhe në frontin serb. U plagos dhe u kap në Galicia, në frontin rus më 1915 dhe kaloi disa kohë në burg.
Në biografinë e tij zyrtare thuhet se ishte pjesëmarrës në Revolucionin e Tetorit. Në Mbretërinë e Serbëve, Kroatëve dhe Sllovenëve u kthye në fund të tetorit 1920, kur u bë anëtar i Partisë Komuniste. Në vitin 1937, u bë Sekretari i Përgjithshëm dhe nga viti 1943 deri në vdekje, ishte Presidenti I Republikës Socialiste Federative të Jugosllavisë. Vdiq më 4 maj 1980 në Lubjanë në orën 15:05, ndërsa u varros më 8 maj në Shtëpinë e Luleve në Dedinje në prani të 209 delegacioneve nga 127 vende të botës.
