41 aksidente trafiku, brenda 24 orëve

Brenda 24 orëve kanë ndodhur gjithsej 41 aksidente trafiku në Kosovë, për fat të mirë pa viktima.

Sipas raportit 24-orësh të policisë thuhet se prej 41 aksidenteve 17 kanë qenë me të lënduar, ndërsa 24 aksidente vetëm me dëme materiale.

Ndërkohë brenda 24 orëve janë arrestuar 28 persona, 19 prej të cilëve janë dërguar në mbajtje, ndërsa një person në vuajtje dënimi.

Policia e Kosovës, gjithashtu ka shqiptuar 1.665 gjoba për shkelje në trafik.