“500 mijë $ rus”, PS kërkon të shtyhet votimi i anëtarëve të Këshillit Drejtues të RTSH

Pasi u mbajtë një minutë heshtje për ndarjen nga jeta të Mbretëreshës Elizabeth II, në nisje të seancës plenare të Parlamentit të Shqipërisë, Kryetari i Grupit Parlamentar të Partisë Socialiste kërkoi që të shtyhen për seancësn e radhës pikat 6 dhe 7 të rendit të ditës përkatësisht votimi i dy anëtarëve Këshillit Drejtues të RTSH, Edmond Tullumani dhe Albert Minga, me arsyetimin që të informohen më mirë me kandidaturat.

Për popozimin ishte dakord kryetari i Grupit Parlamentar të Lulzim Bashës, Enkelejd Alibeaj.

Duke pasur parasysh se kandidaturat kaluan në procedurë të rregullt parlamentare në Komision, ku deputetët kishin mundësi të informohen mirë me kandidaturat, arsyeja e vetme e heqjes dorë nga votimi i kandidaturave të PD nga Partia Socialiste mund të jetë raporti i FBI i cili u bë dje publik nga Zëri i Amerikës, ku rezulton se Ish-Kryetari i PD, Lulzim Basha, ishte financuar nga Presidenti i Rusisë, Vladimir Putin, me 500 mijë dollarë në zgjedhjet e vitit 2017; Çështje për të cilën Lulzim Basha nuk u hetua nga prokuroria shqiptare edhe pse ishte marrë i pandehur ndërkohë gjykata e kishte mbyllë!