501 mil. $ dëmshpërblim për torturat dhe vdekjen e studentit amerikan

Një gjykatë amerikane në Distriktin e Kolumbisë ka urdhëruar Phenianin, që të paguajë 501 milionë dollarë dëmshpërblim për torturat dhe vdekjen e studentit amerikan, Otto Warmbier.

Studenti kishte vdekur, pasi që në vitin 2017, u lirua nga një burg koreano-verior. Prindërit e tij kanë paditur Korenë Veriore në prill, shkaku i vdekjes së të birit të tyre.

Studenti 22 –vjeçar vdiq në SHBA, derisa nga Pheniani erdhi në komë. Sipas mjekut ligjor, shkaku i vdekjes së tij ishte mungesa e oksigjenit dhe gjakut në tru.

“Korea Veriore është përgjegjëse për torturën, pengmarrjen dhe vrasjen e jashtëligjshme të Otto Warmbier, e cila u shkaktoi plagë prindërve të tij”, është thënë në gjykatë. Pheniani në anën tjetër, ka mohuar se ka gisht në vdekjen e studentit.

Vendimi i gjykatës u mor në kohë të ndjeshme në raportet diplomatike mes SHBA-së e Koresë Veriore, derisa palët po diskutojnë rreth çarmatimit bërthamor të gadishullit.