522 apartamente në Laç nga Turqia, Erdogan e Rama i përurojnë: Bismilah!

Sot Presidenti i Turqisë, Recep Tayyip Erdogan dhe Kryeministri Edi Rama kanë përurar 522 apartamenteve të ndërtuara nga qeveria turke në Laç, pas tërmetit shkatërrimtar të 26 nëntorit 2019.

Në fjalën e tij të rastit në ceremoninë e përurimit të shtëpive të ndërtuara nga qeveria turke në Laç, pas tërmetit të 26 nëntorit 2019, Edi Rama tha se në takimin e parë me Erdoganin kur ai i shte Kryeministër, ai i kishte thënë se Shqipërinë dhe Kosovën i ka në zemrën e tij.

“Kjo është një ditë jashtëzakonisht e vecantë. Unë do të flas sa më shkurt, pasi sot të gjithë duan të dëgjojnë mikun e madh të Shqipërisë, mikun tim të çmuar, presidentin Erdogan. Sot dua të tregoj një episod, që nuk kam për ta harruar kurrë nga takimi im i parë fare me Presidentin, i cili aso kohe ishte kryeministri i Turqisë. Të them të drejtën unë isha i ndrojtur, sepse e njihja vetëm nga televizori, dhe nga televizori nuk duket dhe aq i buzëqeshur.

Dhe me thënë të drejtën, edhe kur u takuam dhe ishim ulur ballë për ballë, më shikonte, por nuk buzëqeshte. Unë akoma nuk isha bërë kryeministër dhe më thotë ‘dëgjo këtu, Shqipëria dhe Kosova janë në zemrën time, shqiptarët janë në zemrën e popullit turk. Unë dëshiroj që ti të jesh vëllai im, por unë do të të them vëlla, atëherë kur ti si kryeministër i vendit tënd të meritosh respektin e popullit tënd’. Unë jam shumë krenar që mund ta quaj veten mik të Presidentit Erdogan.

Një gazetar gjerman më pyeti ‘a është e vërtetë që e keni mik Presidentin Erdogan’. I thashë ‘jo, nuk është e vërtetë, e kam shumë mik, jo mik”. E kam frikë përkthyesin se nuk di si m’i përkthen fjalët, por nuk kam rrugë tjetër, duhet t’i besoj, se unë jam në moshë të thyer për ta mësuar tani turqishten,’ tha Edi Rama dhe kur e pa se Erdogan nuk u entuziazmua shprehu dyshimin mbi korektësinë që Presidenti i Turqisë menjëherë e korrigjoi duke ofruar përkthyesin e tij personal.

I kënaqur nga ky veprim Kryeministri Edi Ramavazhdoi me servizlimin e tij:

‘Është e vërtetë që shpeshherë janë kurioz për miqësinë e ngushtë me presidentin turk dhe priren ta shikojnë si një çështje konspiracioni. Jo xhamitë, jo aspiratat e presidentit…Përgjigja ime është e thjeshtë, se presidenti Erdogan thotë atë që bën dhe bën atë thotë. Nuk është e lehtë në diplomacinë e sotme që të gjesh njerëz që po-në e kanë po dhe jo-në e kanë jo. Kjo është edhe arsyeja përse unë këto episode i solla sepse ja ku jemi sot, këtu është materializimi i të gjitha fjalëve të bukura. Këtu mund të shikohet se çfarë do të thotë nga presidenti Erdogan kur shprehet se ‘Çfarë i dhemb Shqipërisë më dhemb dhe mua. Këtë frymë Erdogan e rrënjosur thellë në shpirtin e Turqisë dhe mënyrë se si e shikon botën dhe miqtë e saj. Kuptimi që ai i jep me vepra fjalës vëllazëri është mishërimi i asaj që thotë profeti Muhamed paqja qoftë me të, tha Edi Rama duke përfunduar:

“Asnjë nga ju nuk beson nëse nuk dëshiron për vëllain e vet të njëjtën gjë për veten e vet!”

Erdogan nga Laçi: Hidhërimi i Shqipërisë është edhe hidhërimi ynë!

Presidenti i Turqisë, Recep Tayyip Erdogan, duke përshëndet të gjithë qytetarët e Laçit, të cilët u prekën nga tërmeti tragjik i 26 nëntorit tha se u ka sjellë qytetarëve shqiptarë dashurinë e miliona turqve

“Gëzimi i Shqipërisë është gëzimi ynë dhe hidhërimi i Shqipërisë është njëkohësisht hidhërimi ynë”.“I nderuar kryeministër, i dashur miku im, e nderuar kryetare e Kuvendit, të nderuar ministra, të dashur motra e vëllezërit e mi të qytetit të Laçit, të gjithë juve dua t’iu përshëndes me dashuri e respekt. Ju kam sjellë këtu të gjithë dashurin e miliona zemrave dhe përshëndetjet e përzemërta të popullit të Turqisë. Ju kam sjellë njëkohësisht edhe përshëndetjet e vëllezërve e miqve tuaj në Turqi, zemrat e të cilëve rrahin së bashku me ju. Nga këtu, përmes jush, dua të përcjell përshëndetjet e kombit tim të nderuar për mbarë Shqipërinë, për gjithë vëllezërit e motrat shqiptare. Dua të theksoj faktin se jam shumë i lumtur që ndodhem këtu, së bashku me juve, me rastin e kësaj ceremonie kuptimplotë, dhe që jam bërë pjesë e këtyre emocioneve dhe entuziazmit tuaj. Gëzimi i Shqipërisë është gëzimi ynë dhe hidhërimi i Shqipërisë është njëkohësisht hidhërimi ynë”, tha Presidenti Erdogan duke ftuar në fund të fjalës së tij në Laç Ramën, delegacionin e tij dhe atë shqiptar, që të bashkohen në përurimin e ndërtesave të reja, të cilat u dorëzohen banorëve sot.

“Të gjithë të marrin gërshërët dhe të presin shiritin. Me të prerë shiritin, gërshërët nuk do të dorëzohen. Le të themi “bismilah”, tha Presidenti Erdogan duke prerë shiritin.

Pas përurimit të 522 aparatmenteve të ndërtuara nga qeveria turke në Laç, pas tërmetit shkatërrimtar të 26 nëntorit , Kryebashkiakja Majlinda Cara, duke shprehur mirënjohjen për mbështetjen që Turqia i ka dhënë vendit pas tronditjes nga tërmeti i 2019, i dorëzoi presidentit turk titullin “Qytetar Nderi i Kurbinit”.

“Me motivacionin  e solidaritetit për ndihmën në ditën e vështira të Kurbini dhe me zhvillimin e procesit të Rindërtimit. Kjo është një pllakatë e vogël në emrin tim personal për të shprehur mirënjohjen,” tha kryebashkiakja Cara.