6 Marsi, Berisha: Kandidatët e Lul Bravës nuk kanë lidhje me anëtarësinë!

Kandidatët e Lulzim Bashës për zgjedhjet e 6 Marsit nuk kanë asgjë me anëtarësinë e Partisë Demokratike tha lideri historik i PD, Sali Berisha, ndërsa iu përgjigj akuzave të Bashës për aleancën me LSI-në.

“Ata janë faktikisht kandidatë të Lul Bravës dhe s’kanë asgjë me anëtarësinë. Anëtarët e PD sot kudo që janë kanë kandidatët e propozuar prej tyre më të shkëlqyerit dhe të paraqitur para jush tre ditë më parë,” tha Sali Berisha ndërkohë iu përgjigj zoti Bravës edhe për akuzën se “beteja e Berishës është bërë për t’i dorëzuar PD-në Ilir Metës”:

“A mund t’i përgjigjesh njeriut që në dy fjalë thotë tre gënjeshtra? A mund t’i përgjigjesh njeriut që u servir jo 7 x 7 =42, por ju servir 1958-ën për 5004, dhe që jeton si në bunker? Nuk mund të ketë përgjigje për të.”